Mistari ya Biblia Kuhusu Hazina Mbinguni
Mistari 13 ya Biblia kuhusu Hazina Mbinguni ya kusoma, kutafakari, na kuikariri.
Msijilimbikizie hazina hapa duniani, ambako nondo na kutu huziharibu, na wezi hutoboa kuta na kuziiba. Badala yake, jilimbikizieni hazina mbinguni, ambako nondo wala kutu haziwezi kuziharibu, na hakuna wezi wa kutoboa kuta na kuziiba.
Moyo wako utakuwa daima pale ilipo hazina yako.
Uzeni mlivyo navyo, mkawape wahitaji fedha hizo. Jipatieni mifuko ya fedha isiyochakaa kamwe, hazina mbinguni isiyokwisha. Huko hakuna mwizi anayeweza kuikaribia, wala nondo anayeweza kuiharibu. Moyo wenu utakuwa pale ilipo hazina yenu.
Waambie watende mema, wawe matajiri katika matendo mema, watoe kwa ukarimu na kushirikiana na wengine. Kwa njia hiyo watajiwekea hazina iwe msingi imara kwa ajili ya zama zijazo, ili waushike uzima ulio uzima kweli.
Mmefufuliwa pamoja na Kristo; kwa hiyo tafuteni yale yaliyo juu, mahali ambapo Kristo ameketi upande wa kulia wa Mungu. Elekezeni mawazo yenu kwenye mambo ya juu, wala si kwenye mambo ya duniani.
Hakuna mtu anayeweza kuwatumikia mabwana wawili. Atamchukia mmoja na kumpenda mwingine, au atakuwa mwaminifu kwa mmoja na kumdharau mwingine. Hamwezi kumtumikia Mungu na fedha pia.
Ndivyo ilivyo kwa kila mtu anayejirundikia mali, lakini si tajiri machoni pa Mungu.”
na katika urithi ambao hauwezi kamwe kuoza, wala kuchafuliwa, wala kunyauka. Urithi huo unahifadhiwa salama mbinguni kwa ajili yenu,
Aliona kwamba kubeba aibu ya Kristo kuna thamani kubwa kuliko mali yote ya Misri, kwa sababu macho yake yalikuwa kwenye thawabu.
Zaidi ya hayo, nayahesabu mambo yote kuwa hasara, kwa sababu kumjua Kristo Yesu Bwana wangu kuna thamani kubwa kuliko yote hayo. Kwa ajili yake nimepoteza kila kitu, nami nakihesabu chote kuwa mavi, ili nimpate Kristo
Ufalme wa mbinguni ni kama hazina iliyozikwa shambani. Mtu mmoja aliigundua, akaifunika tena. Kisha, akiwa amejaa furaha, akaenda akauza mali yake yote, akalinunua shamba lile.
Wakati wote huo hatutazami yale yanayoonekana bali yale yasiyoonekana. Yanayoonekana yanadumu kwa muda tu; yasiyoonekana ni ya milele.
Yesu akamtazama kwa makini, akampenda. Akamwambia, “Bado unakosa jambo moja. Nenda ukauze mali yako yote, uwagawie maskini fedha hizo. Ndipo utakuwa na hazina mbinguni. Baada ya hapo, njoo unifuate.”