Mistari ya Biblia Kuhusu Kutoa

Toeni, nanyi mtapewa: kipimo kilichojaa, kilichoshindiliwa, kilichotikiswa kikatulia, na kinachomwagika juu, kitamiminwa katika kunjo la vazi lenu. Kipimo mnachotumia kwa wengine ndicho kitakachotumiwa kwenu.”

Kwa kila njia nimewaonyesha mfano: kwa kufanya kazi kwa bidii hivi, ni lazima tuwasaidie walio dhaifu, na tuyakumbuke maneno ya Bwana Yesu, jinsi yeye mwenyewe alivyosema, ‘Kutoa kuna heri kubwa zaidi kuliko kupokea.’”

Mtu mmoja hutoa kwa ukarimu na kupata zaidi; mwingine huzuia kinachopaswa kutolewa na kuishia katika uhitaji. Mtu mkarimu atafanikiwa, na anayewaburudisha wengine ataburudishwa.

Lakini wewe unapotoa, fanya kimya kimya hivi kwamba mkono wako wa kushoto usijue kile ambacho mkono wa kulia unafanya. Msaada wako utabaki umefichika, na Baba yako, anayeona yaliyofichika, atakulipa.

Ukiwa na uwezo wa kuwatendea mema wale wanaostahili, usiyazuie.

Kumbukeni hili: mtu akipanda kidogo, atavuna kidogo; akipanda kwa wingi, atavuna kwa wingi.

Hamu ikiwepo, zawadi hupokewa kwa kadiri ya kile mtoaji alicho nacho, wala haipimwi kwa kile asicho nacho.

Waambie watende mema, wawe matajiri katika matendo mema, watoe kwa ukarimu na kushirikiana na wengine.

Waponyeni wagonjwa, wafufueni waliokufa, watakaseni wenye ukoma, wafukuzeni pepo. Mlipokea bila kulipa, kwa hiyo toeni bila kudai malipo.

anayetia moyo, katika kutia moyo. Anayewagawia wengine na agawe kwa ukarimu; anayeongoza, kwa juhudi; anayeonyesha rehema, kwa moyo mkunjufu.

Lakini mimi ni nani, na watu wangu ni nani, hata tuwe na uwezo wa kutoa kwa hiari namna hii? Kila kitu hutoka kwako; tulichokupa kimetoka mkononi mwako mwenyewe.

Kisha akasema, “Kweli nawaambia, mjane huyu maskini ametoa zaidi kuliko wengine wote. Wote hao walitoa kutokana na ziada yao. Lakini yeye, katika uhitaji wake, ametoa kila kitu alichokuwa nacho cha kuishi.”

Tena msisahau kuwa wema na kugawana mlicho nacho ninyi kwa ninyi: Mungu hufurahia dhabihu za aina hiyo.