Mistari ya Biblia Kuhusu Pesa
Mistari 10 ya Biblia kuhusu Pesa ya kusoma, kutafakari, na kuikariri.
Kwa maana kupenda fedha ni mzizi wa kila aina ya uovu. Watu wengine, kwa kutamani fedha, wamepotea mbali na imani, na wamejichoma kwa huzuni nyingi.
Hakuna mtu anayeweza kuwatumikia mabwana wawili. Atamchukia mmoja na kumpenda mwingine, au atakuwa mwaminifu kwa mmoja na kumdharau mwingine. Hamwezi kumtumikia Mungu na fedha pia.
Msikubali kupenda fedha kutawale jinsi mnavyoishi; toshekeni na mlicho nacho. Kwa maana Mungu mwenyewe amesema, “Sitakuachilia kamwe hata kidogo, na kamwe, kamwe sitakutelekeza.”
Mheshimu BWANA kwa vitu ulivyo navyo, kwa vya kwanza na vilivyo bora vya kila kitu kinachotoka shambani mwako; ndipo kutakuwa na zaidi ya kutosha kujaza ghala zako, na divai mpya itafurika kutoka mapipani mwako.
Hakuna mtumishi wa nyumbani anayeweza kuwatumikia mabwana wawili. Mtumishi huyo atamchukia mmoja na kumpenda mwingine, au atakuwa mwaminifu kwa mmoja na kumdharau mwingine. Hamwezi kumtumikia Mungu na mali pia.”
Wale wanaotumainia utajiri wataanguka, bali wenye haki watastawi kama majani mabichi.
Kisha akawaambia, “Kuweni waangalifu! Jilindeni na kila aina ya tamaa ya mali. Hata mtu akiwa na zaidi ya anachohitaji, uzima hautokani na vitu anavyomiliki.”
Matajiri huwatawala maskini kwa mabavu, na anayekopa huwa mtumwa wa anayemkopesha.
Waambie walio matajiri katika ulimwengu huu wa sasa wasiwe na kiburi, wala wasiweke tumaini lao katika mali, ambayo si ya hakika, bali kwa Mungu, anayetupa kwa wingi kila kitu ili tukifurahie. Waambie watende mema, wawe matajiri katika matendo mema, watoe kwa ukarimu na kushirikiana na wengine.
Msijilimbikizie hazina hapa duniani, ambako nondo na kutu huziharibu, na wezi hutoboa kuta na kuziiba. Badala yake, jilimbikizieni hazina mbinguni, ambako nondo wala kutu haziwezi kuziharibu, na hakuna wezi wa kutoboa kuta na kuziiba. Moyo wako utakuwa daima pale ilipo hazina yako.