Mistari ya Biblia Kuhusu Upako
Mistari 7 ya Biblia kuhusu Upako ya kusoma, kutafakari, na kuikariri.
Kwa upande wenu, mlipokea upako kutoka kwake, na upako huo unakaa ndani yenu; hamhitaji mtu yeyote awafundishe. Badala yake, upako wake unawafundisha kuhusu kila kitu, nao ni kweli wala si uongo. Kwa hiyo, kama upako huo ulivyowafundisha, kaeni ndani yake.
Lakini ninyi, yule Mtakatifu amewapaka mafuta, nanyi nyote mnaijua kweli.
Ni Mungu anayetufanya imara katika Kristo, sisi pamoja nanyi. Mungu alitutia mafuta,
Yanamhusu Yesu wa Nazareti: Mungu alimtia mafuta kwa Roho Mtakatifu na kwa nguvu, naye alizunguka kila mahali akitenda mema na kuwaponya wote waliokuwa chini ya nguvu za Ibilisi, kwa sababu Mungu alikuwa pamoja naye.
Unaniandalia mlo mbele yangu huku adui zangu wakitazama; unakiburudisha kichwa changu kwa mafuta, na kikombe changu kimejaa hadi ukingoni.
“Roho wa Bwana anakaa juu yangu, kwa kuwa amenipaka mafuta ili niwapelekee maskini habari njema. Amenituma kuwatangazia wafungwa kwamba wako huru, na vipofu kwamba wataona tena, kuwaweka huru wanaokandamizwa,
Basi Samweli akachukua pembe ya mafuta, akampaka mafuta pale katikati ya ndugu zake. Roho wa BWANA akamjia Daudi kwa nguvu tangu siku ile. Kisha Samweli akaondoka, akarudi Rama.