Mistari ya Biblia Kuhusu Takeni Karama kwa Bidii
Mistari 11 ya Biblia kuhusu Takeni Karama kwa Bidii ya kusoma, kutafakari, na kuikariri.
Jitahidini kupata upendo, na mtamani sana karama za kiroho, hasa karama ya kutabiri.
Lakini zitafuteni kwa moyo wote karama zilizo kuu zaidi. Na sasa nitawaonyesha njia isiyo na kifani.
Ndivyo ilivyo kwenu pia. Kwa kuwa mna hamu kubwa ya kazi za Roho, jitahidini kuwa nazo kwa wingi ili kanisa lijengwe.
Basi, ndugu zangu, tamanini sana kutabiri, wala msimzuie mtu kunena kwa lugha.
Bidii yenu isipungue kamwe; muwe na moto wa Roho; mtumikieni Bwana.
Lakini mtu anayetabiri anasema na watu, na maneno yake huwajenga, huwatia moyo na kuwafariji.
Ningefurahi ninyi nyote mnene kwa lugha, lakini ningefurahi zaidi mtabiri. Anayetabiri ni mkuu kuliko anayenena kwa lugha, isipokuwa naye afasiri, ili kanisa lipate kitu cha kulijenga.
Lakini kila kitu kifanyike ipasavyo na kwa utaratibu mzuri.
Basi, inafuata nini, ndugu? Kila mnapokusanyika, kila mmoja wenu ana kitu: zaburi, fundisho, ufunuo, lugha, tafsiri. Kila kitu kifanyike ili kulijenga kanisa.
Usiipuuze karama iliyo ndani yako, uliyopewa kupitia neno la unabii wakati wazee walipokuwekea mikono.
Ndiyo sababu nakukumbusha uichochee kama moto karama ambayo Mungu alikupa nilipokuwekea mikono yangu.