Mistari ya Biblia Kuhusu Karama Nyingi, Roho Mmoja
Mistari 11 ya Biblia kuhusu Karama Nyingi, Roho Mmoja ya kusoma, kutafakari, na kuikariri.
Karama hugawanywa kwa namna mbalimbali, lakini ni Roho yule yule anayezitoa.
Huduma hugawanywa kwa namna mbalimbali, na ni Bwana yule yule anayetumikiwa. Utendaji wa nguvu za Mungu hugawanywa kwa namna mbalimbali, lakini ni Mungu yule yule anayetenda yote hayo ndani ya kila mtu.
Roho mmoja, yule yule, ndiye anayetenda kazi katika haya yote, akimpa kila mtu kivyake kama yeye anavyochagua.
Kuna mwili mmoja na Roho mmoja, kama vile kuna tumaini moja linalotokana na wito mlioupokea.
Vivyo hivyo, ingawa tu wengi, sisi ni mwili mmoja katika Kristo, na kila mmoja wetu ni kiungo cha wengine wote.
Kila mtu amepewa njia ambayo kwayo Roho anaonekana wazi akitenda kazi, naye amepewa kwa ajili ya faida ya wote.
Lakini kila mmoja wetu amepewa neema, kwa kipimo ambacho Kristo aliitoa.
Kwa kweli, mwili haukuundwa na sehemu moja tu. Una sehemu nyingi.
Tuna karama zinazotofautiana, kulingana na neema tuliyopewa. Ikiwa karama ya mtu ni unabii, na atoe unabii kulingana na imani yake.
Ni yeye aliyewatoa wengine wawe mitume, wengine manabii, wengine wainjilisti, na wengine wachungaji na walimu.
Lakini kama mambo yalivyo, Mungu amepanga kila sehemu katika mwili kama yeye alivyoona inafaa.