Mistari ya Biblia Kuhusu Kumwimbia Mungu

Zaburi. Mwimbieni BWANA wimbo mpya kwa sababu ya maajabu aliyoyatenda! Kwa mkono wake wa kuume na mkono wake mtakatifu amepata ushindi.

Ndipo mtazungumza ninyi kwa ninyi kwa zaburi, nyimbo za sifa na nyimbo zinazotolewa na Roho, na mtamwimbia Bwana na kumpigia muziki kwa mioyo yenu.

Mtumikieni BWANA huku mkifurahi; njooni mbele yake kwa vigelegele vya furaha.

Neno la Kristo lifanye makao yake kwa wingi kati yenu, kwa hekima yote. Fundishaneni na kuonyana kwa zaburi, nyimbo za sifa na nyimbo anazotoa Roho, na mwimbieni Mungu kwa shukrani kutoka moyoni.

Njooni, tumwimbie BWANA kwa shangwe na kumpigia kelele za furaha Mwamba anayetuokoa.

Mwimbieni BWANA kwa sauti na kumshukuru; mpigieni Mungu wetu muziki kwa kinubi,

Mwimbieni wimbo mpya; pigeni kwa ustadi wenu wote, pamoja na kelele za shangwe.

Maisha yangu yote nitamwimbia BWANA; maadamu bado nipo nitampigia Mungu wangu muziki.