Mistari ya Biblia Kuhusu Kuwatumikia Wengine
Mistari 13 ya Biblia kuhusu Kuwatumikia Wengine ya kusoma, kutafakari, na kuikariri.
Ninyi mliitwa ili muwe huru, ndugu. Ila tu msiruhusu uhuru wenu uwe mwanya kwa asili ya dhambi. Badala yake, kwa upendo, kuweni watumwa ninyi kwa ninyi.
Kila mmoja wenu amepokea karama; itumieni kuhudumiana, kama wasimamizi wazuri wa neema ya Mungu iliyo ya aina nyingi.
Mfalme atawajibu, ‘Kweli nawaambia, kila mara mlipomfanyia jambo hilo mmoja wa hawa ndugu zangu, hata yule mdogo kuliko wote, mlinifanyia mimi.’
Kwa maana Mungu hatendi isivyo haki kiasi cha kusahau kazi yenu na upendo mliouonyesha kwa jina lake kwa kuwatumikia watu wake watakatifu, na kwa kuendelea kuwatumikia hadi sasa.
Bidii yenu isipungue kamwe; muwe na moto wa Roho; mtumikieni Bwana.
Kwa hiyo, kila tunapopata fursa, tuwatendee wote mema, na zaidi ya yote wale walio wa familia ya imani.
Kwa kuwa Mwana wa Adamu mwenyewe hakuja ili wengine wamtumikie, bali kuwatumikia na kutoa uhai wake kama gharama ya fidia badala ya wengi.”
Kwa hiyo ikiwa mimi, Bwana na Mwalimu, nimewaosha miguu, basi ninyi pia mna wajibu wa kuoshana miguu.
Kila mmoja wenu ajali si mambo yake mwenyewe tu, bali pia mambo ya wengine.
Kwa kila njia nimewaonyesha mfano: kwa kufanya kazi kwa bidii hivi, ni lazima tuwasaidie walio dhaifu, na tuyakumbuke maneno ya Bwana Yesu, jinsi yeye mwenyewe alivyosema, ‘Kutoa kuna heri kubwa zaidi kuliko kupokea.’”
Kila mtu amepewa njia ambayo kwayo Roho anaonekana wazi akitenda kazi, naye amepewa kwa ajili ya faida ya wote.
Kwenu ni lazima iwe tofauti. Mtu yeyote kati yenu akitaka kuwa mkuu, ni lazima awahudumie wengine. Na mtu yeyote kati yenu akitaka kuwa wa kwanza, ni lazima awe mtumwa wenu.
na kwa nia njema, kana kwamba mnamtumikia Bwana, si wanadamu,