Mistari ya Biblia Kuhusu Mungu Huwainua Wanyenyekevu
Mistari 13 ya Biblia kuhusu Mungu Huwainua Wanyenyekevu ya kusoma, kutafakari, na kuikariri.
Basi jinyenyekezeni chini ya mkono wenye nguvu wa Mungu, ili awainue wakati utakapofika.
Jishusheni chini mbele ya Bwana, naye atawainua juu.
Kwa maana kila anayejiweka juu atashushwa chini, naye anayechukua nafasi ya chini atainuliwa juu.”
Wanaojiinua watashushwa chini, na wanaojishusha watainuliwa juu.
Kiburi humwangusha mtu chini, lakini wanyenyekevu wa roho hupata heshima.
Kwa hiyo aliye mkubwa zaidi katika ufalme wa mbinguni ni yeyote anayekubali nafasi ya chini, kama mtoto huyu anavyofanya.
BWANA yuko juu, lakini huwaangalia walio chini; wenye kiburi huwajua akiwa mbali.
Moyo wa kiburi hutangulia anguko, na unyenyekevu hutangulia heshima.
Amewashusha wenye mamlaka kutoka katika viti vyao vya enzi, akawainua walio wa hali ya chini.
Unyenyekevu na kumcha BWANA huleta thawabu yake: utajiri, heshima, na uzima.
BWANA huwainua wanyonge na kuwatupa waovu chini ardhini.
Lakini neema anayoitoa ni kubwa zaidi. Ndiyo maana inasema, “Mungu anasimama dhidi ya wenye kiburi, lakini wanyenyekevu anawapa neema.”
Nawaambia, ni huyu, wala si yule mwingine, aliyerudi nyumbani akiwa amekubaliwa na Mungu kuwa mwenye haki. Kwa maana kila anayejiinua atashushwa chini, na anayejinyenyekeza atainuliwa.”