Mistari ya Biblia Kuhusu Upole

Lakini tunda ambalo Roho huzaa ni upendo, furaha, amani, subira, fadhili, wema, uaminifu, upole na kujitawala. Hakuna sheria inayopinga mambo kama haya.

Ninyi ni watu wa Mungu aliowachagua, watakatifu, na mnaopendwa na yeye. Kwa hiyo vaeni, kama mavazi, moyo wenye huruma, fadhili, unyenyekevu, upole na subira.

Jibu la upole hutuliza hasira, bali neno la kuumiza huwasha hasira.

Mtumishi wa Bwana hapaswi kuwa mgomvi, bali awe mwema kwa kila mtu, anayeweza kufundisha na mvumilivu kwa watu wagumu,

wasimseme mtu yeyote vibaya, waepuke ugomvi, wawe wapole na wawe na adabu kwa kila mtu.

Badala yake, katika mioyo yenu mkirini Kristo kuwa Bwana mtakatifu. Mwe tayari wakati wote kujitetea mbele ya yeyote anayewauliza sababu ya tumaini mlilo nalo.

Vaeni nira yangu shingoni mwenu, mjifunze kutoka kwangu, kwa kuwa ni mpole na moyo wangu ni mnyenyekevu. Ndipo mtakapopata pumziko kwa nafsi zenu.

Kuweni wanyenyekevu na wapole kwa kila namna, na wavumilivu, mkichukuliana kwa upendo.

Lakini wewe, mtu wa Mungu, yakimbie mambo haya yote, na ufuatilie haki, uchaji wa Mungu, imani, upendo, uvumilivu na upole.

Lakini hekima inayotoka juu, kwanza kabisa, ni safi. Tena huleta amani; ni ya kiungwana na iko tayari kukubali hoja za wengine; imejaa rehema na matunda mazuri; haipendelei mtu, wala haijifanyi.

Kwa uvumilivu unaweza kumshawishi mtawala, na ulimi wa upole unaweza kuvunja mfupa.

ingawa kama mitume wa Kristo tungeweza kuonyesha uzito wa mamlaka yetu. Badala yake tulikuwa wapole kati yenu, kama mama anayenyonyesha anavyowakumbatia watoto wake mwenyewe.