Mistari ya Biblia Kuhusu Kuwapenda Ndugu
Mistari 14 ya Biblia kuhusu Kuwapenda Ndugu ya kusoma, kutafakari, na kuikariri.
Mtu akisema, “Ninampenda Mungu,” lakini anamchukia ndugu yake, mtu huyo ni mwongo. Kwa maana yeyote asiyempenda ndugu yake aliyemwona, hawezi kumpenda Mungu ambaye hajamwona. Na hii ndiyo amri tuliyopokea kutoka kwake: anayempenda Mungu anapaswa kumpenda ndugu yake pia.
Ninawapa amri mpya: pendaneni. Kwa namna ile ile niliyowapenda, ninyi pia lazima mpendane. Mkiwa na upendo kwa kila mmoja, kwa hili kila mtu atajua kwamba ninyi ni wanafunzi wangu.”
Hivi ndivyo tulivyokuja kujua upendo ni nini: yeye aliyatoa maisha yake kwa ajili yetu. Nasi pia tuna deni kwa ndugu zetu la kuyatoa maisha yetu kwa ajili yao.
Sasa kwa kuwa mmejitakasa kwa kuitii kweli, na hivyo mna upendo halisi kwa ndugu zenu, endeleeni kupendana kutoka moyoni kwa nguvu zenu zote.
Pendaneni kwa moyo kama ndugu wa familia moja; muwe wa kwanza kuheshimiana.
Tunajua kwamba tumetoka katika mauti tukaingia katika uzima, kwa sababu tunawapenda ndugu zetu. Yeyote asiyependa anakaa katika mauti.
Rafiki zangu wapendwa, tuendelee kupendana, kwa maana chanzo cha upendo ni Mungu; kila anayependa amezaliwa na Mungu na anamjua. Mtu asiyependa hajawahi kumjua Mungu, kwa maana Mungu ni upendo.
Rafiki zangu wapendwa, kwa kuwa hivi ndivyo Mungu alivyotupenda, sisi pia tunapaswa kupendana.
Upendo mlio nao kwa kila mmoja kama ndugu na ubaki daima.
Wanangu wapendwa, tusipende kwa yale tunayosema au kwa ndimi zetu tu, bali kwa yale tunayotenda na katika kweli.
Ninawapa amri mpya: pendaneni. Kwa namna ile ile niliyowapenda, ninyi pia lazima mpendane.
Kuhusu kupendana kama ndugu, hamhitaji tuwaandikie, kwa sababu Mungu mwenyewe amewafundisha kupendana.
Ninyi mliitwa ili muwe huru, ndugu. Ila tu msiruhusu uhuru wenu uwe mwanya kwa asili ya dhambi. Badala yake, kwa upendo, kuweni watumwa ninyi kwa ninyi.
Hiki ndicho Mungu anachoamuru: kwamba tuliamini jina la Mwana wake Yesu Kristo, na kwamba tupendane, kwa kufuata amri aliyotupa.