Mistari ya Biblia Kuhusu Kuongozwa na Roho
Mistari 14 ya Biblia kuhusu Kuongozwa na Roho ya kusoma, kutafakari, na kuikariri.
Wale ambao Roho wa Mungu anawaongoza siku kwa siku, hao ndio wana wa Mungu.
Roho mwenyewe anaungana na roho yetu katika kutoa ushahidi kwamba sisi ni watoto wa Mungu.
Lakini ikiwa Roho anawaongoza, hamko chini ya sheria.
Lakini yeye, Roho wa kweli, atakapokuja, atawaongoza katika kweli yote. Atakayoyasema hayatatoka kwake mwenyewe; atasema yale anayoyasikia, na atawajulisha mambo yatakayokuja.
Unifundishe kutenda yanayokupendeza, kwa kuwa wewe ni Mungu wangu. Roho wako, aliye mwema, aniongoze katika ardhi tambarare.
Kwa kuwa uzima wetu unatoka kwa Roho, na tufuate uongozi wa Roho katika kila hatua tunayopiga.
Alifanya hivyo ili matakwa ya haki ya sheria yatimizwe kikamilifu ndani yetu, sisi tunaoishi tukiongozwa na Roho, wala si na asili ya dhambi.
Ee BWANA, unijalie kuzijua njia zako; unifundishe kufuata mapito yako. Uniongoze kwa uaminifu wako na unifundishe, kwa kuwa wewe ndiwe Mungu anayeniokoa; ni wewe ninayekungoja siku nzima.
Wale walio chini ya utawala wa asili ya dhambi huelekeza mawazo yao kwenye mambo ya asili ya dhambi, lakini wale walio chini ya utawala wa Roho, kwenye mambo ya Roho. Mtazamo wa asili ya dhambi unaleta kifo, lakini mtazamo wa Roho unaleta uzima na amani.
Roho alimwambia Filipo, “Nenda mpaka kwenye gari lile, ukae karibu nalo.”
Walipokuwa wakimwabudu Bwana na kufunga, Roho Mtakatifu alisema, “Watengeni Barnaba na Sauli kwa ajili yangu, kwa kazi niliyowaitia.”
Walipita katika eneo la Frigia na Galatia, kwa kuwa Roho Mtakatifu alikuwa amewazuia wasihubiri neno katika Asia. Walipofika mpakani mwa Misia, walijaribu kuingia Bithinia, lakini Roho wa Yesu hakuwaruhusu.
Mwamini BWANA kwa moyo wako mzima, wala usijiegemeze kwenye busara yako mwenyewe. Mkumbuke yeye katika kila unalofanya, naye atakutengenezea njia iliyonyooka mbele yako.
Nitakupa ufahamu na kukuonyesha njia unayopaswa kuifuata; nitakushauri na kukuangalia kwa jicho langu.