Mistari ya Biblia Kuhusu Roho wa Kweli
Mistari 7 ya Biblia kuhusu Roho wa Kweli ya kusoma, kutafakari, na kuikariri.
Lakini yeye, Roho wa kweli, atakapokuja, atawaongoza katika kweli yote. Atakayoyasema hayatatoka kwake mwenyewe; atasema yale anayoyasikia, na atawajulisha mambo yatakayokuja.
Huyu ni Roho wa kweli. Ulimwengu hauwezi kumpokea, kwa kuwa haumwoni wala haumjui. Lakini ninyi mnamjua, kwa maana anakaa pamoja nanyi, naye atakuwa ndani yenu.
Lakini Mtetezi, Roho Mtakatifu, ambaye Baba atamtuma kwa jina langu, ndiye atakayewafundisha kila kitu na kuwakumbusha yote niliyowaambia.
Mtetezi, ambaye nitamtuma kwenu kutoka kwa Baba, ndiye Roho wa kweli, anayetoka kwa Baba. Atakapokuja, yeye atashuhudia kuhusu mimi.
Sisi ni wa Mungu. Yeyote anayemjua Mungu anatusikiliza, na yeyote asiye wa Mungu hatusikilizi. Hivyo ndivyo tunavyomtofautisha Roho wa kweli na roho ya uongo.
Sisi, kwa upande wetu, hatukupokea roho ya ulimwengu. Tumempokea Roho anayetoka kwa Mungu, ili tutambue yote ambayo Mungu ametukirimia.
Yeye atanitukuza mimi, kwa sababu atapokea katika yaliyo yangu na kuwajulisha.