Mistari ya Biblia Kuhusu Kuenenda kwa Roho
Mistari 10 ya Biblia kuhusu Kuenenda kwa Roho ya kusoma, kutafakari, na kuikariri.
Kwa kuwa uzima wetu unatoka kwa Roho, na tufuate uongozi wa Roho katika kila hatua tunayopiga.
Hiki ndicho ninachomaanisha: ishini mkiongozwa na Roho, nanyi hamtatenda kamwe yale ambayo asili ya dhambi inatamani.
Alifanya hivyo ili matakwa ya haki ya sheria yatimizwe kikamilifu ndani yetu, sisi tunaoishi tukiongozwa na Roho, wala si na asili ya dhambi.
Lakini tunda ambalo Roho huzaa ni upendo, furaha, amani, subira, fadhili, wema, uaminifu, upole na kujitawala. Hakuna sheria inayopinga mambo kama haya.
Basi sasa, wale walio katika Kristo Yesu hawakabiliwi na hukumu yoyote ya kuadhibiwa.
Wale walio chini ya utawala wa asili ya dhambi huelekeza mawazo yao kwenye mambo ya asili ya dhambi, lakini wale walio chini ya utawala wa Roho, kwenye mambo ya Roho.
Mkiishi kama asili ya dhambi inavyoamuru, mnaelekea kifo. Lakini kwa Roho mkiendelea kuyaua matendo ya mwili, mtaishi. Wale ambao Roho wa Mungu anawaongoza siku kwa siku, hao ndio wana wa Mungu.
Lakini ikiwa Roho anawaongoza, hamko chini ya sheria.
Wanaopanda katika asili yao ya dhambi watavuna uozo kutoka kwayo; lakini wanaopanda katika Roho watavuna kutoka kwa Roho mavuno ya uzima wa milele.
Hapo zamani ninyi mlikuwa giza lenyewe; sasa, katika Bwana, ninyi ni nuru. Kwa hiyo ishini kama watoto wa nuru. Kile ambacho nuru huzaa ni kila aina ya wema, haki na kweli.