Mistari ya Biblia Kuhusu Uvivu
Mistari 8 ya Biblia kuhusu Uvivu ya kusoma, kutafakari, na kuikariri.
Wewe mvivu, nenda ukamtazame chungu; angalia jinsi anavyoishi, ujifunze hekima.
Mvivu hutamani na kutamani lakini hapati kitu, bali wenye bidii hushibishwa kikamilifu.
Mvivu hatalima wakati wa baridi; wakati wa mavuno hutafuta mazao na kukosa kitu.
Nilipita kando ya shamba la mtu mvivu, kando ya shamba la mizabibu la mtu asiye na akili, nikaona miiba imeota kila mahali, magugu yamefunika ardhi, na ukuta wake wa mawe umeanguka.
Kwa maana hata tulipokuwa pamoja nanyi, tuliwapa agizo hili: “Asiyetaka kufanya kazi, na asile.”
Uvivu huleta usingizi mzito, na mtu mzembe atakaa na njaa.
Kama mlango ugeukavyo huku na huku juu ya bawaba zake, ndivyo mvivu ajigeuzavyo kitandani.
Tamaa za mvivu zitamletea kifo, kwa sababu mikono yake inakataa kufanya kazi.