Mistari ya Biblia Kuhusu Uadilifu
Mistari 14 ya Biblia kuhusu Uadilifu ya kusoma, kutafakari, na kuikariri.
Anayeishi kwa uaminifu hutembea bila hofu, bali anayefuata njia zilizopotoka atafichuliwa.
Wanyofu huongozwa na uaminifu wao, bali wadanganyifu huangamizwa na hila zao wenyewe.
Ukamilifu na unyofu na vinilinde, kwa maana ninakungoja.
Wenye haki huishi kwa uadilifu; heri watoto wao baada yao!
Ya Daudi. BWANA, uamue shauri langu, kwa maana nimeishi kwa uadilifu; tumaini langu limekuwa kwa BWANA, nami sitajikwaa.
Afadhali kuwa maskini na kuishi kwa uadilifu kuliko kuwa mpumbavu mwenye ulimi wa uongo.
Ni afadhali kuwa maskini na kuishi kwa uadilifu kuliko kuwa tajiri na mnafiki katika kila ulitendalo.
Na mimi, unanishika katika uadilifu wangu na kuniacha nisimame mbele ya uso wako siku zote.
Mungu wangu, najua kwamba wewe huuchunguza moyo, na unyofu hukupendeza. Kwa moyo mnyofu nimetoa vitu hivi vyote kwa hiari, na sasa nimewaona watu wako waliokusanyika hapa wakikutolea kwa hiari kwa furaha.
BWANA huchukia mizani ya udanganyifu, bali uzito wa haki humpendeza.
Katika kila jambo uwe kielelezo kwao kwa kutenda mema. Katika mafundisho yako onyesha uadilifu na umakini,
Mtu mwaminifu katika jambo dogo kabisa ni mwaminifu pia katika mambo makubwa, na mtu mdanganyifu katika jambo dogo kabisa ni mdanganyifu pia katika mambo makubwa.
BWANA hupenda zaidi kuona watu wakitenda yaliyo sawa na ya haki kuliko kutoa dhabihu.
Aliwachunga kama mchungaji mwenye moyo mnyofu na kuwaongoza kwa mikono yenye ustadi.