Mistari ya Biblia Kuhusu Kuenenda kwa Unyofu
Mistari 13 ya Biblia kuhusu Kuenenda kwa Unyofu ya kusoma, kutafakari, na kuikariri.
Kwa maana BWANA Mungu ni jua na ngao; BWANA hutoa neema na heshima; wale waendao bila lawama hawanyimi kitu chochote chema.
Zaburi ya Daudi. Ee BWANA, ni nani anayeweza kukaa kama mgeni hemani mwako? Ni nani anayeweza kufanya makao yake juu ya mlima wako mtakatifu? Ni yule anayeenenda bila lawama, anayetenda yaliyo haki, na kusema kweli itokayo moyoni,
Huwawekea wanyofu hekima ya kweli; huwakinga wale wanaoishi kwa ukamilifu,
Yeyote anayeishi kwa uadilifu atalindwa salama, lakini mtu yeyote mwenye hila ataanguka ghafula.
Anayeishi kwa uaminifu hutembea bila hofu, bali anayefuata njia zilizopotoka atafichuliwa.
Ana heri kweli mtu asiyefuata ushauri wa waovu, asiyesimama katika njia wanayoipita wenye dhambi, wala asiyeketi mahali wanapokusanyika wenye dharau!
Wanyofu huongozwa na uaminifu wao, bali wadanganyifu huangamizwa na hila zao wenyewe.
Heri wale ambao mwenendo wao hauna kasoro, wanaoenenda kwa mafundisho ya BWANA!
Anayeishi kwa unyofu humcha BWANA, bali anayefuata njia zilizopotoka humdharau.
Wakazie macho watu wenye uadilifu, watazame kwa makini wanyofu: wale wanaoishi kwa amani wana wakati ujao mbele yao.
Wenye haki huishi kwa uadilifu; heri watoto wao baada yao!
Haki humlinda mtu mwadilifu, bali uovu humwangusha mwenye dhambi.
Lakini tukitembea katika nuru, kama vile yeye alivyo katika nuru, tuna ushirika sisi kwa sisi, na damu ya Yesu, Mwana wake, inaendelea kutusafisha kutoka kila dhambi.