Mistari ya Biblia Kuhusu Usafi
Mistari 8 ya Biblia kuhusu Usafi ya kusoma, kutafakari, na kuikariri.
Heri wenye mioyo safi: watamwona Mungu.
Hatimaye, ndugu: yote yaliyo kweli, yote yenye heshima, yote yaliyo ya haki, yote yaliyo safi, yote yanayopendeza, yote yanayosifiwa, ikiwa kuna wema wowote, chochote kinachostahili kusifiwa, mambo hayo ndiyo yajaze mawazo yenu.
Usimwache mtu yeyote akudharau kwa sababu wewe ni kijana, bali uwe kielelezo kwa waumini katika jinsi unavyosema na kuishi, katika upendo, katika imani na katika usafi.
Ee Mungu, niumbie moyo uliotakasika, na uifanye roho yangu kuwa mpya na imara ndani yangu.
Kwa walio safi, kila kitu ni safi; lakini kwa watu walioharibika na wasioamini, hakuna kitu kilicho safi. Kwa kweli, nia zao na dhamiri zao zimechafuka.
Zikimbie tamaa za ujana, na ufuatilie haki, imani, upendo na amani, pamoja na wale wanaomwita Bwana kwa moyo safi.
Kila aliye na tumaini hili kwake anajiweka safi, kama yeye alivyo safi.
Jongeeni karibu na Mungu, naye atajongea karibu nanyi. Osheni mikono yenu iwe safi, enyi watenda dhambi, na mfanye mioyo yenu iwe safi, ninyi wenye nia mbili.