Mistari ya Biblia Kuhusu Mawakili Waaminifu
Mistari 10 ya Biblia kuhusu Mawakili Waaminifu ya kusoma, kutafakari, na kuikariri.
Basi kinachotafutwa katika wasimamizi wa nyumba ni hiki: kila mmoja athibitike kuwa mwaminifu.
Mtu mwaminifu katika jambo dogo kabisa ni mwaminifu pia katika mambo makubwa, na mtu mdanganyifu katika jambo dogo kabisa ni mdanganyifu pia katika mambo makubwa.
Kila mmoja wenu amepokea karama; itumieni kuhudumiana, kama wasimamizi wazuri wa neema ya Mungu iliyo ya aina nyingi.
Bwana wake akamjibu, ‘Hongera! Wewe ni mtumishi mwema na mwaminifu. Umeonyesha uaminifu katika mambo madogo; nitakupa madaraka juu ya mambo makubwa. Karibu, ushiriki furaha ya bwana wako.’
Bwana akajibu, “Basi, ni nani msimamizi anayeaminika na anayetenda kwa busara? Bwana wake atamweka kuwa msimamizi wa wafanyakazi wengine wa nyumba, awape mgao wao wa chakula wakati unapofika. Heri mtumishi huyo ikiwa bwana wake atarudi nyumbani na kumkuta akifanya hivyo hasa. Nawaambia kwa kweli, atamweka kuwa msimamizi wa kila kitu alicho nacho.
Bwana wake akamjibu, ‘Hongera! Wewe ni mtumishi mwema na mwaminifu. Umeonyesha uaminifu katika mambo madogo; nitakupa madaraka juu ya mambo makubwa. Karibu, ushiriki furaha ya bwana wako.’
Basi kama hamkuwa waaminifu katika kutumia mali isiyo ya haki, ni nani atakayewakabidhi utajiri wa kweli?
Basi watu wanapaswa kutufikiria hivi: kama wasaidizi wa Kristo, na kama wasimamizi wa nyumba waliokabidhiwa siri za Mungu.
Kwa kuwa mwangalizi anasimamia nyumba ya Mungu, ni lazima awe bila lawama. Asiwe mwenye kiburi wala mwepesi wa hasira, asiwe mlevi wala mgomvi, asiwe na tamaa ya fedha.
Kwa maana kila aliye na kitu atapewa zaidi, naye atakuwa na zaidi ya kutosha. Lakini asiye na kitu, hata alicho nacho kitachukuliwa kutoka kwake.