Mistari ya Biblia Kuhusu Kufanya Maamuzi
Mistari 9 ya Biblia kuhusu Kufanya Maamuzi ya kusoma, kutafakari, na kuikariri.
Watu hupanga njia zao mioyoni mwao, bali ni BWANA anayeziongoza hatua zao.
Mwamini BWANA kwa moyo wako mzima, wala usijiegemeze kwenye busara yako mwenyewe. Mkumbuke yeye katika kila unalofanya, naye atakutengenezea njia iliyonyooka mbele yako.
Ikiwa mmoja wenu anakosa hekima, amwombe Mungu, anayewapa watu wote kwa mkono wazi bila kuwasuta, naye atapewa.
Watu wana mipango mingi mioyoni mwao, bali ni kusudi la BWANA litakalotimia.
BWANA huzifanya hatua za mtu kuwa imara anapopendezwa na njia yake.
Amani anayoitoa Kristo iwe mwamuzi katika mioyo yenu. Mliitwa kwenye amani hiyo kama viungo vya mwili mmoja. Tena muwe watu wa shukrani.
Mipango ya wenye bidii huleta faida tupu, bali wote wanaokimbilia mambo kwa haraka huishia katika uhitaji tu.
Wenye akili wana hekima kwa sababu hufikiri wanakoelekea, bali upumbavu wa wapumbavu ni kujidanganya.
Kama mmoja wenu angetaka kujenga mnara, je, asingeketi kwanza kupiga hesabu ya gharama, ili ajue kama anaweza kumudu kuumaliza?