Mistari ya Biblia Kuhusu Ufahamu

Hekima huanzia hapa: pata hekima. Tumia vyote ulivyo navyo, ikibidi, ili upate ufahamu.

hata sikio lako likaitegea hekima na moyo wako ukaelekea ufahamu; ukiililia busara kwa kweli na kupaza sauti yako kuuita ufahamu,

Kupitia maagizo yako ninapata ufahamu, kwa hiyo ninachukia kila njia iliyojengwa juu ya uongo.

Mwamini BWANA kwa moyo wako mzima, wala usijiegemeze kwenye busara yako mwenyewe.

Ni bora kiasi gani kupata hekima kuliko dhahabu, kuchagua ufahamu kuliko fedha!

Maneno yako yanapofunuliwa, yanaangaza nuru; yanawapa wajinga ufahamu.

Hekima huanza kwa kumcha BWANA, na kumjua Mtakatifu ndio ufahamu.

Hekima hukaa nyumbani katika moyo wa mwenye ufahamu, na hata miongoni mwa wapumbavu hujitambulisha.

Ndugu, msifikiri kama watoto. Kuhusu uovu, kuweni kama watoto wachanga, lakini katika ufahamu wenu kuweni watu wazima.

Mpumbavu hafurahii ufahamu, ila tu kutoa maoni yake mwenyewe.

Ndiyo sababu, tangu siku tuliposikia habari zenu, hatujaacha kusali kwa ajili yenu. Tunamwomba Mungu awajaze ujuzi wa mapenzi yake, pamoja na hekima yote na ufahamu unaotoka kwa Roho,

Kupata akili ni kujipenda mwenyewe; kushika ufahamu ni kufanikiwa.