Mistari ya Biblia Kuhusu Hekima Itokayo Juu
Mistari 9 ya Biblia kuhusu Hekima Itokayo Juu ya kusoma, kutafakari, na kuikariri.
Lakini hekima inayotoka juu, kwanza kabisa, ni safi. Tena huleta amani; ni ya kiungwana na iko tayari kukubali hoja za wengine; imejaa rehema na matunda mazuri; haipendelei mtu, wala haijifanyi.
Ikiwa mmoja wenu anakosa hekima, amwombe Mungu, anayewapa watu wote kwa mkono wazi bila kuwasuta, naye atapewa.
Kwa maana jambo la kipumbavu alilofanya Mungu lina hekima kuliko hekima yoyote ya wanadamu, na jambo dhaifu alilofanya Mungu lina nguvu kuliko nguvu yoyote ya wanadamu.
Kwa maana ni BWANA atoaye hekima; maarifa na ufahamu hutoka kinywani mwake.
Ndiyo sababu, tangu siku tuliposikia habari zenu, hatujaacha kusali kwa ajili yenu. Tunamwomba Mungu awajaze ujuzi wa mapenzi yake, pamoja na hekima yote na ufahamu unaotoka kwa Roho,
Ni Mungu aliyewaweka ninyi katika Kristo Yesu, naye amekuwa hekima ya Mungu kwetu, yaani haki yetu, utakaso wetu na ukombozi wetu.
nikimwomba Mungu wa Bwana wetu Yesu Kristo, Baba wa utukufu, awape Roho aletaye hekima na ufunuo mnapozidi kumjua.
BWANA aliniumba niwe wa kwanza wa njia zake, kabla ya kazi zake za zamani. Zamani za kale niliwekwa mahali pangu, mwanzo kabisa, kabla dunia haijaanza.
Hata hivyo, kuna hekima tunayoinena kati ya wale waliokomaa. Si hekima ya zama hizi za sasa, wala ya watawala wake, ambao mamlaka yao tayari yanakomeshwa. Badala yake, hekima tunayoinena ni ya Mungu mwenyewe, siri ambayo imekuwa imefichwa. Mungu aliipanga kabla ya nyakati kwa ajili ya utukufu wetu.