Mistari ya Biblia Kuhusu Aba, Baba
Mistari 11 ya Biblia kuhusu Aba, Baba ya kusoma, kutafakari, na kuikariri.
Hamkupokea roho ya utumwa ambayo ingewarudisha tena chini ya hofu. Mlimpokea Roho wa kufanywa wana, na katika Roho tunaita, “Aba, Baba!”
Na kwa kuwa ninyi ni wana, Mungu amemtuma Roho wa Mwana wake aingie mioyoni mwetu, naye Roho anaita, “Aba, Baba!”
Akasema, “Aba, Baba, kwako mambo yote yanawezekana. Uniondolee kikombe hiki. Lakini usifanye kile ninachotaka mimi, bali kile unachotaka wewe.”
Roho mwenyewe anaungana na roho yetu katika kutoa ushahidi kwamba sisi ni watoto wa Mungu.
Basi ombeni hivi: ‘Baba yetu wa mbinguni, jina lako lihesabiwe kuwa takatifu.
Yesu akamwambia, “Usiendelee kunishikilia, kwa sababu bado sijapaa kwa Baba. Badala yake nenda kwa ndugu zangu na ujumbe huu: ‘Ninapaa kwa Baba yangu na Baba yenu, kwa Mungu wangu na Mungu wenu.’”
Basi wewe si mtumwa tena, bali ni mwana; na ikiwa wewe ni mwana, basi wewe ni mrithi pia, na Mungu ndiye aliyekufanya hivyo.
Ni kupitia yeye kwamba sisi sote wawili tunaweza kumwendea Baba, katika Roho yule mmoja.
Fikirini upendo mkuu ambao Baba ametupatia: tunaitwa watoto wa Mungu, na kweli sisi ni watoto wake. Sababu ya ulimwengu kutotujua ni kwamba haukumjua yeye.
Lakini wote waliompokea, wale wanaoliamini jina lake, aliwapa mamlaka ya kuwa watoto wa Mungu.
Basi tukaribie kiti cha enzi cha neema tukiwa na ujasiri, ili tupokee rehema na kupata neema inayotuletea msaada wakati ule ule tunapouhitaji.