Mistari ya Biblia Kuhusu Hakuna Hukumu ya Adhabu
Mistari 9 ya Biblia kuhusu Hakuna Hukumu ya Adhabu ya kusoma, kutafakari, na kuikariri.
Basi sasa, wale walio katika Kristo Yesu hawakabiliwi na hukumu yoyote ya kuadhibiwa.
Kweli kweli nawaambia, yeyote anayesikia neno langu na kumwamini aliyenituma ana uzima wa milele. Mtu huyo hahukumiwi, bali amekwisha toka kifoni na kuingia uzimani.
Ni nani atakayeleta shtaka lolote dhidi ya wale ambao Mungu amewachagua? Ni Mungu anayewahesabia haki. Ni nani atakayewatia hatiani? Kristo ndiye aliyekufa; zaidi ya hapo, alifufuliwa, naye yuko mkono wa kulia wa Mungu, ambapo anaomba kwa niaba yetu.
Anayemwamini hahukumiwi. Lakini asiyeamini amehukumiwa tayari, kwa sababu hajaliamini jina la Mwana wa pekee wa Mungu.
Kwa maana Mungu alimtuma Mwana ulimwenguni, si ili auhukumu ulimwengu, bali ili kupitia yeye ulimwengu uokolewe.
Ya Daudi. Maskili. Ana heri kweli mtu ambaye uasi wake umesamehewa, ambaye dhambi yake imefunikwa! Ana heri kweli mtu ambaye BWANA hamhesabii hatia yake, ambaye hana udanganyifu rohoni mwake!
Aliifuta hati ya deni, pamoja na amri zake, iliyoandikwa dhidi yetu na kusimama kinyume chetu. Ameiondoa njiani, akiipigilia misumari msalabani.
Basi, kwa kuwa sasa tumehesabiwa haki kwa imani, tuna amani na Mungu kupitia Bwana wetu Yesu Kristo.
Kwa njia hii upendo umefikia lengo lake kati yetu, ili tuwe na ujasiri siku ya hukumu, kwa maana jinsi yeye alivyo, ndivyo tulivyo nasi katika ulimwengu huu.