Mistari ya Biblia Kuhusu Kuhesabiwa Wenye Haki
Mistari 12 ya Biblia kuhusu Kuhesabiwa Wenye Haki ya kusoma, kutafakari, na kuikariri.
Lakini kwa mtu asiyefanya kazi, ila anamwamini Mungu anayemhesabia haki mtu asiyemcha Mungu, imani hiyo inahesabiwa kuwa haki.
Maandiko yanasema nini? “Ibrahimu alimwamini Mungu, na hilo likahesabiwa kwake kuwa haki.”
Abramu akamtumaini BWANA, na BWANA akalihesabu tumaini hilo kuwa haki kwake.
Ndivyo ilivyokuwa kwa Ibrahimu: alimwamini Mungu, na imani yake ikahesabiwa kwake kuwa haki.
Ndiyo sababu “lilihesabiwa kwake kuwa haki.” Maneno “lilihesabiwa kwake” hayakuandikwa kwa ajili ya Ibrahimu peke yake, bali kwa ajili yetu pia. Litahesabiwa kwetu sisi tunaomwamini Mungu aliyemfufua Yesu Bwana wetu kutoka kwa wafu.
Je, basi, baraka hii ni kwa ajili ya waliotahiriwa tu, au pia kwa ajili ya wasiotahiriwa? Tumekuwa tukisema kwamba imani ya Ibrahimu ilihesabiwa kwake kuwa haki.
Daudi anasema vivyo hivyo anapozungumza juu ya furaha ya mtu ambaye Mungu anamhesabu kuwa mwenye haki bila matendo:
Ana heri kweli mtu ambaye BWANA hamhesabii hatia yake, ambaye hana udanganyifu rohoni mwake!
Hivyo yakatimia Maandiko yanayosema, “Ibrahimu alimwamini Mungu, na hilo likahesabiwa kwake kuwa haki,” naye akaitwa rafiki wa Mungu.
Tohara ilitolewa kwake baadaye kama ishara, muhuri juu ya haki ambayo tayari ilikuwa yake kwa imani kabla hajatahiriwa. Kwa njia hii yeye ni baba wa kila mtu anayeamini bila kutahiriwa, ili haki ihesabiwe kwao.
na nionekane kuwa ndani yake, bila haki yangu mwenyewe inayotokana na kuishika sheria, bali nikiwa na haki inayopatikana kupitia imani katika Kristo: haki itokayo kwa Mungu, inayotegemea imani.
Kristo hakuwahi kujua dhambi, lakini kwa ajili yetu Mungu alimfanya kuwa dhambi, ili, tukiwa tumeunganishwa naye, sisi tufanyike haki ya Mungu.