Mistari ya Biblia Kuhusu Kufanywa Wenye Haki
Mistari 11 ya Biblia kuhusu Kufanywa Wenye Haki ya kusoma, kutafakari, na kuikariri.
Kristo hakuwahi kujua dhambi, lakini kwa ajili yetu Mungu alimfanya kuwa dhambi, ili, tukiwa tumeunganishwa naye, sisi tufanyike haki ya Mungu.
Kwa maana kutotii kwa mtu mmoja kuliwafanya wale wengi kuwa wenye dhambi, na vivyo hivyo utii wa yule mmoja utawafanya wale wengi kuwa wenye haki.
na nionekane kuwa ndani yake, bila haki yangu mwenyewe inayotokana na kuishika sheria, bali nikiwa na haki inayopatikana kupitia imani katika Kristo: haki itokayo kwa Mungu, inayotegemea imani.
Ni Mungu aliyewaweka ninyi katika Kristo Yesu, naye amekuwa hekima ya Mungu kwetu, yaani haki yetu, utakaso wetu na ukombozi wetu.
Ni haki ya Mungu kupitia imani katika Yesu Kristo, kwa ajili ya wote wanaoamini. Hakuna anayetendewa tofauti.
bali kwa ajili yetu pia. Litahesabiwa kwetu sisi tunaomwamini Mungu aliyemfufua Yesu Bwana wetu kutoka kwa wafu. Yesu alitolewa afe kwa sababu ya makosa yetu, naye akafufuliwa ili sisi tupate kuhesabiwa haki.
wakati Mungu alipoizuia hukumu yake. Alifanya hivyo ili kuonyesha haki yake wakati huu wa sasa, ili yeye awe mwenye haki, na pia awe yule anayemhesabia haki kila mtu aliye na imani katika Yesu.
Siifanyi neema ya Mungu kuwa batili. Kwa maana ikiwa haki inakuja kupitia sheria, basi Kristo alikufa bure kabisa.
Basi, kwa kuwa sasa tumehesabiwa haki kwa imani, tuna amani na Mungu kupitia Bwana wetu Yesu Kristo.
Yeye mwenyewe alizibeba dhambi zetu katika mwili wake mwenyewe hadi msalabani, ili tuachane na dhambi na tuishi kwa ajili ya haki. Kwa majeraha aliyoyapata ninyi mmeponywa.
Kwa maana Kristo ndiye mwisho wa sheria, akileta haki kwa kila mtu anayeamini.