Caqasoota Kitaaba Qulqulluu Waa'ee Eenyummaa Kiristoos

Yesuus guutummaatti Waaqa; guutummaatti immoo nama — Dubbii bara baraa, fakkii Waaqa hin mul'anne, Amaanu'el, Waaqayyo nu wajjin jiru. Inni buddeena jireenyaa, ifa addunyaa, karaa, dhugaa fi jireenya. Caqasoonni kun eenyummaa Kiristoos ulfina isaa keessatti ilaalu.

Foon Uffachuu Waaqayyoo — Yohannis 1:14

Dubbiin foon taʼee nu gidduu jiraate. Nus ulfina isaa, ulfina Ilma Tokkicha ayyaanaa fi dhugaadhaan guutamee Abbaa biraa dhufe sanaa argineerra.

Guutummaatti Waaqa, Guutummaatti Namas — Qolosaayis 2:9

Guutummaan Waaqummaa hundinuu fooniin Kiristoos keessa jiraataatii;

Dubbicha (Logos) — Yohannis 1:1

Jalqabatti dubbiitu ture; dubbichis Waaqa wajjin ture; dubbiin sunis Waaqa ture.

Amaanuʼeel — Maatewos 1:23

Innis, “Kunoo, durbi tokko ni ulfoofti; ilma ni deessi; maqaa isaas Amaanuʼel jedhu” jedha. Amaanuʼel jechuunis, “Waaqni nu wajjin jira” jechuu dha.

Ilma Waaqayyoo — Yohannis 20:31

Wantoonni kunneen garuu akka Yesuus inni Kiristoos Ilma Waaqaa taʼe akka amantaniif, amanuudhaanis akka maqaa isaatiin jireenya qabaattaniif barreeffame.

Fakkeenya Waaqayyoo — Qolosaayis 1:15

Inni fakkaattii Waaqa hin mulʼanne sanaa ti; uumama hundaafis hangafa.

Uumama Hunda Irratti Hangafa — Qolosaayis 1:16

Wanni hundinuu isumaan uumameetii: Wanni samii keessaa fi lafa irraa, wanni mulʼatuu fi hin mulʼanne, teessoowwan yookaan humnoonni yookaan bulchitoonni yookaan taayitaawwan, wanni hundinuu isumaan, isumaaf uumaman.

Ifa Ulfina Waaqayyoo — Ibroota 1:3

Ilmi calaqqisa ulfina Waaqaa ti; eenyummaa Waaqaas akkuma jirutti mulʼisa; dubbii isaa humna qabeessa sanaanis waan hunda hirkisee baata. Innis erga cubbuu keenya nurraa qulqulleessee booddee samii irra mirga Waaqa ulfina qabeessa sanaa taaʼe.

Buddeena Jireenyaa — Yohannis 6:35

Yesuusis akkana isaaniin jedhe; “Buddeenni jireenyaa ana. Namni gara koo dhufu gonkumaa hin beelaʼu; kan anatti amanus gonkumaa hin dheebotu.

Ifa Addunyaa — Yohannis 8:12

Yesuus ammas, “Ani ifa addunyaa ti. Namni na duukaa buʼu kam iyyuu ifa jireenyaa qabaata malee dukkana keessa hin deddeebiʼu” jedhee isaanitti dubbate.

Alfaa fi Oomeegaa — Mulʼata 22:13

Ani Alfaa fi Omeegaa dha; isa Duraatii fi isa Booddee ti; isa Jalqabaatii fi isa Dhumaatis.

Madda Jireenyaa — Hojii 3:15

Isin burqaa jireenyaa ajjeeftan; Waaqni garuu warra duʼan keessaa isa kaase; nus dhuga baatota waan kanaa ti.

Karaa, Dhugaa fi Jireenya — Yohannis 14:6

Yesuusis akkana jedhee deebiseef; “Karaa fi dhugaan, jireenyis anuma. Yoo anaan taʼe malee eenyu iyyuu gara Abbaa hin dhufu.