Mistari ya Biblia Kuhusu Ushindi dhidi ya Mauti

Mwili huu unaoharibika utakapokuwa umevaa kutoharibika, na mwili huu unaokufa utakapokuwa umevaa kutokufa, ndipo maneno yaliyoandikwa katika Maandiko yatatimia: “Kifo kimemezwa katika ushindi.”

Lakini Mungu ashukuriwe, kwa maana yeye hutupa ushindi kupitia Bwana wetu Yesu Kristo.

Kwa maana nina hakika kabisa kwamba si kifo wala uzima, si malaika wala watawala, si mambo yaliyopo sasa wala yale yatakayokuja, si nguvu zozote, si vilivyo juu sana wala vilivyo chini kabisa, wala kitu kingine chochote kilichoumbwa: hakuna kitakachoweza kutukatilia mbali na upendo wa Mungu, ambao ni wetu katika Kristo Yesu Bwana wetu.

Yesu akamwambia, “Mimi ni ufufuo na uzima. Wanaoniamini, hata wakifa, wataishi, na wote walio hai na kuniamini hawatakufa kamwe. Je, unaamini hili?”

na sasa imedhihirishwa kwa kuonekana kwa Mwokozi wetu, Yesu Kristo. Yeye ameiangamiza mauti, na kupitia Injili ameleta nuruni uzima na kutoharibika.

Basi, kwa kuwa watoto wanashiriki maisha ya pamoja ya mwili na damu, yeye mwenyewe aliyapokea maisha hayo hayo kwa namna ile ile, ili kwa kifo chake amnyang’anye nguvu yule anayeshika mamlaka ya kifo, yaani Ibilisi, na kuwaweka huru wale ambao hofu ya kifo iliwaweka utumwani maisha yao yote.

na ndiye aliye hai. Nilikuwa nimekufa, na tazama, niko hai milele na milele, na funguo za kifo na za Kuzimu ni zangu.