Mistari ya Biblia Kuhusu Wokovu na Kuzaliwa Upya

Ukitangaza kwa kinywa chako kwamba Yesu ni Bwana, na ukaamini kwa moyo wako kwamba Mungu alimfufua kutoka kwa wafu, basi utaokolewa.

Yesu akamjibu, “Kweli kweli nakuambia, mtu asipozaliwa kutoka juu, hawezi kuuona ufalme wa Mungu.”

Kwa hiyo ikiwa mtu yeyote yuko katika Kristo, mtu huyo ni sehemu ya uumbaji mpya. Mambo ya kale yamepita, na tazama, mambo mapya yamekuja.

Kwa maana Mungu aliupenda ulimwengu kiasi kwamba alimtoa Mwana wake wa pekee, ili kila anayemwamini asiangamie, bali apate uzima wa milele.

Kwa maana ni kwa neema hiyo mmeokolewa, kupitia imani. Jambo hili halitoki kwenu; ni zawadi ya Mungu.

Kweli kweli nawaambia, yeyote anayesikia neno langu na kumwamini aliyenituma ana uzima wa milele. Mtu huyo hahukumiwi, bali amekwisha toka kifoni na kuingia uzimani.

Ukitangaza kwa kinywa chako kwamba Yesu ni Bwana, na ukaamini kwa moyo wako kwamba Mungu alimfufua kutoka kwa wafu, basi utaokolewa. Kwa maana watu huamini kwa moyo, na hilo huwaletea haki; hukiri kwa kinywa, na hilo huwaletea wokovu.

Kwa maana “wote watakaoliitia jina la Bwana wataokolewa.”

Ingieni kupitia lango jembamba. Lango linaloelekea kwenye maangamizi ni pana, na njia yake ni rahisi, na wengi hupita hapo. Lakini lango linaloelekea kwenye uzima ni jembamba, na njia yake ni ngumu, na ni wachache tu wanaoipata.

Ahimidiwe Mungu na Baba wa Bwana wetu Yesu Kristo! Kwa rehema yake kuu ametupa kuzaliwa upya. Kupitia kufufuka kwa Yesu Kristo kutoka kwa wafu ametuleta katika tumaini lenye uzima,

Yeye ametuokoa kutoka katika nguvu za giza, akatuleta katika ufalme wa Mwana anayempenda.

Kila anayemwamini Mwana ana uzima wa milele, lakini anayekataa kumtii Mwana hatauona uzima. Badala yake, ghadhabu ya Mungu inakaa juu yake.”

Kwa maana asema, “Wakati wa fadhili nilikujibu; siku ya wokovu nilikusaidia.” Tazama, sasa ndio wakati wa fadhili. Tazama, sasa ndiyo siku ya wokovu.