Mistari ya Biblia Kuhusu Kuzaliwa Mara ya Pili

Yesu akajibu, “Kweli kweli nakuambia, hakuna mtu anayeweza kuingia katika ufalme wa Mungu bila kuzaliwa kutoka kwa maji na Roho.

Usishangae kwamba nilikuambia, ‘Ninyi nyote mnapaswa kuzaliwa kutoka juu.’

Mmezaliwa upya, si kwa mbegu inayokufa, bali kwa mbegu isiyoweza kufa, kupitia neno la Mungu, lililo hai na linalodumu.

alituokoa, si kwa sababu ya mambo ya haki tuliyotenda, bali kwa sababu ya rehema zake. Alituokoa kupitia kuoshwa kunakoleta kuzaliwa upya na kufanywa wapya na Roho Mtakatifu,

Kwa hiyo ikiwa mtu yeyote yuko katika Kristo, mtu huyo ni sehemu ya uumbaji mpya. Mambo ya kale yamepita, na tazama, mambo mapya yamekuja.

Lakini wote waliompokea, wale wanaoliamini jina lake, aliwapa mamlaka ya kuwa watoto wa Mungu. Hawa hawakuzaliwa kwa damu, wala kwa tamaa ya kibinadamu, wala kwa mapenzi ya mume, bali walizaliwa na Mungu.

Ahimidiwe Mungu na Baba wa Bwana wetu Yesu Kristo! Kwa rehema yake kuu ametupa kuzaliwa upya. Kupitia kufufuka kwa Yesu Kristo kutoka kwa wafu ametuleta katika tumaini lenye uzima,

Kila anayeamini kwamba Yesu ni Kristo amezaliwa na Mungu, na kila anayempenda Baba anampenda pia mtoto aliyezaliwa kutoka kwake.

Ilikuwa ni mapenzi yake kutuzaa kupitia neno la kweli, ili tuwe kitu kama limbuko miongoni mwa viumbe vyake vyote.

Chochote kinachozaliwa kwa mwili ni mwili, na chochote kinachozaliwa kwa Roho ni roho.

Basi kupitia ubatizo tulizikwa pamoja na yeye katika kifo, ili kama Kristo alivyofufuliwa kutoka kwa wafu kwa utukufu wa Baba, sisi pia tuishi maisha mapya.

Kwa kuwa mnajua kwamba yeye ni mwenye haki, mnaweza kuwa na hakika kwamba kila anayetenda yaliyo ya haki amezaliwa naye.