Mistari ya Biblia Kuhusu Mlango Mwembamba
Mistari 14 ya Biblia kuhusu Mlango Mwembamba ya kusoma, kutafakari, na kuikariri.
Ingieni kupitia lango jembamba. Lango linaloelekea kwenye maangamizi ni pana, na njia yake ni rahisi, na wengi hupita hapo. Lakini lango linaloelekea kwenye uzima ni jembamba, na njia yake ni ngumu, na ni wachache tu wanaoipata.
“Jitahidini sana kuingia kupitia mlango mwembamba. Nawaambia, wengi watatafuta njia ya kuingia lakini hawataweza.
Yesu akamjibu, “Mimi ni njia, kweli, na uzima. Mtu yeyote anakuja kwa Baba kupitia kwangu tu.
Si kila mtu anayeniita ‘Bwana, Bwana’ ataingia katika ufalme wa mbinguni, ila wale tu wanaofanya yale ambayo Baba yangu wa mbinguni anataka.
Kuna njia ambayo mtu huiona kuwa sawa, bali mwisho wake ni kifo.
Mtu mmoja alimwuliza, “Bwana, je, ni wachache tu wanaookolewa?” Aliwaambia, “Jitahidini sana kuingia kupitia mlango mwembamba. Nawaambia, wengi watatafuta njia ya kuingia lakini hawataweza.
Mimi ni mlango. Mtu yeyote akiingia kupitia mimi, ataokolewa, akiingia na kutoka na kupata malisho.
Wokovu haupatikani kwa mwingine yeyote ila yeye. Chini ya mbingu zote Mungu hajawapa wanadamu jina lingine ambalo kwalo tunapaswa kuokolewa.”
Kisha Yesu aliwaambia wanafunzi wake, “Yeyote anayetaka kuja nyuma yangu lazima ajikane, aubebe msalaba wake, na anifuate.
Kisha akawaambia wote, “Yeyote anayetaka kuja nyuma yangu ni lazima ajikane, aubebe msalaba wake kila siku, na aendelee kunifuata.
Siku hiyo wengi wataniambia, ‘Bwana, Bwana, je, hatukutoa unabii kwa jina lako, tukafukuza pepo kwa jina lako, na kufanya miujiza mingi kwa jina lako?’ Ndipo nitawaambia wazi, ‘Sikuwahi kuwajua ninyi. Ondokeni mbele yangu, ninyi mnaovunja sheria ya Mungu.’
Jitahidini kuwa na amani na kila mtu, na kuufuata utakatifu, kwa kuwa bila huo hakuna atakayemwona Bwana.
Basi, ndugu, jibidisheni hata zaidi kuhakikisha kwamba wito wa Mungu na uteule wake kwenu vinasimama imara; kwa maana mkitenda mambo haya hamtajikwaa na kuanguka kamwe.
Basi Yesu akasema nao tena: “Kweli kweli nawaambia, mimi ni mlango kwa ajili ya kondoo.