Mistari ya Biblia Kuhusu Mavuno
Mistari 11 ya Biblia kuhusu Mavuno ya kusoma, kutafakari, na kuikariri.
Kisha akawaambia wanafunzi wake, “Mavuno ni makubwa, lakini wafanyakazi ni wachache. Kwa hiyo mwombeni Bwana wa mavuno awatume wafanyakazi kwenye mavuno yake.”
“Je, hamsemi, ‘Bado miezi minne, kisha mavuno yatafika’? Sikilizeni, nawaambia: inueni macho mtazame mashamba. Yamekuwa meupe, tayari kwa mavuno.
Aliwaambia, “Mavuno ni makubwa, lakini wafanyakazi ni wachache tu. Kwa hiyo mwombeni kwa bidii Bwana wa mavuno, awapeleke wafanyakazi wakavune mavuno yake.
Hatupaswi kuchoka kufanya mema. Wakati unaofaa ukifika tutavuna mavuno, ikiwa hatutalegea.
Watu wanaopanda mbegu zao huku wakilia watavuna mavuno kwa nyimbo za furaha. Watu wanaweza kutoka wakitoa machozi wanapobeba mbegu za kupanda, lakini hakika watarudi nyumbani wakipiga kelele za furaha, mikono yao imejaa miganda.
Tayari mvunaji analipwa, na anakusanya mavuno kwa ajili ya uzima wa milele, ili mpandaji afurahi pamoja na mvunaji.
Viacheni vikue bega kwa bega mpaka mavuno. Wakati wa mavuno utakapofika, nitawapa wavunaji maagizo: “Ng’oeni magugu kwanza, myafunge mafungu ya kuchomwa. Lakini ngano iwekeni ghalani kwangu.”’”
Na nafaka ikiisha kukomaa, mara moja anatia mundu, kwa sababu wakati wa mavuno umefika.”
Malaika mwingine akatoka hekaluni, akimwita kwa sauti kuu yule aliyeketi juu ya wingu, “Upitishe mundu wako ukusanye mavuno! Saa ya kuvuna imefika; mavuno ya dunia yamekauka, yako tayari.”
Basi, ndugu, ngojeni kwa subira mpaka Bwana atakapokuja. Mfikirieni mkulima: anangoja ardhi itoe mazao yake ya thamani, naye huyangoja kwa subira mpaka mvua za mwanzo na za mwisho zinyeshe.
Kumbukeni hili: mtu akipanda kidogo, atavuna kidogo; akipanda kwa wingi, atavuna kwa wingi.