Mistari ya Biblia Kuhusu Ujasiri
Mistari 13 ya Biblia kuhusu Ujasiri ya kusoma, kutafakari, na kuikariri.
Sasa, Bwana, yaangalie matisho yao. Uwawezeshe watumwa wako kulinena neno lako kwa ujasiri kamili,
Walipomaliza kuomba, mahali walipokutana palitikisika, na kila mmoja wao akajazwa Roho Mtakatifu, nao wakaendelea kulitangaza neno la Mungu bila hofu.
Waovu hukimbia hata wakati hakuna anayewafukuza, lakini wenye haki husimama kwa ujasiri kama simba.
Kwa maana Mungu hakutupa roho ya hofu, bali roho ya nguvu, ya upendo na ya akili timamu.
Niombeeni mimi pia, ili ninapofungua kinywa changu nipewe maneno ya kuijulisha kwa ujasiri siri ya Injili. Kwa ajili ya Injili hiyo mimi ni balozi, ingawa niko katika mnyororo. Ombeni ili niweze kuitangaza kwa ujasiri, kama inavyonipasa.
Wajumbe wa Baraza Kuu waliona jinsi Petro na Yohana walivyozungumza kwa ujasiri, wakatambua kwamba hawa walikuwa watu wasiosoma, watu wa kawaida tu. Jambo hilo liliwashangaza, nao wakatambua kwamba hao wawili walikuwa wameandamana na Yesu.
Ninatarajia kwa hamu na kutumaini kwamba sitaaibika kwa jambo lolote. Badala yake, kwa ujasiri wote, sasa kama siku zote, Kristo ataonyeshwa kuwa mkuu katika mwili wangu, ikiwa ni kwa maisha yangu au kwa kifo changu.
Lakini Barnaba alimsaidia, akampeleka kwa mitume. Akawaeleza kwamba Sauli alikuwa amemwona Bwana njiani, na Bwana alikuwa amesema naye, na kwamba huko Dameski Sauli alikuwa amesema bila woga kwa jina la Yesu. Tangu hapo Sauli alikuwa pamoja nao, akienda huku na huku kati yao huko Yerusalemu, akisema waziwazi kwa jina la Bwana.
Huko aliuhubiri ufalme wa Mungu na kufundisha habari za Bwana Yesu Kristo, kwa ujasiri wote, bila kizuizi.
Basi tukaribie kiti cha enzi cha neema tukiwa na ujasiri, ili tupokee rehema na kupata neema inayotuletea msaada wakati ule ule tunapouhitaji.
Je, sikukupa agizo hili? Uwe imara na jasiri. Usitetemeke kwa hofu wala usikate tamaa, kwa maana BWANA Mungu wako yuko pamoja nawe kila mahali utakapokwenda.”
Ndani yake, kwa imani kwake, tunaweza kumkaribia Mungu kwa ujasiri na kwa uhakika.
Basi walikaa huko muda mrefu, wakinena kwa ujasiri, wakimtegemea Bwana. Bwana alilishuhudia neno la neema yake kwa kuwajalia ishara na maajabu kutendeka kwa mikono yao.