Mistari ya Biblia Kuhusu Utunzaji wa Mungu
Mistari 10 ya Biblia kuhusu Utunzaji wa Mungu ya kusoma, kutafakari, na kuikariri.
Tazameni ndege wanaoruka angani. Hawapandi wala hawavuni, wala hawahifadhi chakula ghalani, na bado Baba yenu wa mbinguni huwalisha. Je, ninyi hamna thamani kubwa kuliko wao?
Fanyeni hivyo kwa kumtupia yeye kila wasiwasi mlio nao, kwa sababu ninyi ni wa thamani kwake.
Kwa hiyo msiwe na wasiwasi na kusema, ‘Tutakula nini?’ au, ‘Tutakunywa nini?’ au, ‘Tutavaa nini?’ Watu wa mataifa huhangaikia mambo hayo yote, na Baba yenu wa mbinguni anajua kwamba mnayahitaji yote.
Mkabidhi BWANA kila kinachokulemea, na yeye atakutegemeza; kamwe yeye hatamwacha mwenye haki ajikwae na kuanguka.
Naam, kila unywele wa kichwa chenu umehesabiwa. Kwa hiyo msiogope. Ninyi ni wa thamani kuliko shomoro wengi mno.
Je, shomoro wawili hawauzwi kwa mshahara wa chini ya saa moja? Lakini hakuna hata mmoja wao anayeanguka chini pasipo Baba yenu. Kwa upande wenu, hata kila unywele wa kichwa chenu umehesabiwa. Kwa hiyo msiogope. Ninyi mna thamani zaidi kuliko kundi zima la shomoro.
BWANA atakulinda dhidi ya kila dhara; atayalinda maisha yako kabisa. BWANA atakulinda unapoanza safari na unaporudi, tangu sasa na nyakati zote.
Lakini mimi, ni mnyonge na mhitaji; Bwana na anikumbuke. Wewe ndiwe unayenisaidia na kuniweka huru; Mungu wangu, usichelewe!
Basi jinyenyekezeni chini ya mkono wenye nguvu wa Mungu, ili awainue wakati utakapofika. Fanyeni hivyo kwa kumtupia yeye kila wasiwasi mlio nao, kwa sababu ninyi ni wa thamani kwake.
Ee Mungu, jinsi ninavyozithamini fikira zako! Idadi yake ni kubwa mno! Nikijaribu kuzihesabu, zingezidi mchanga kwa wingi. Ninaamka, nami bado niko pamoja nawe.