Mistari ya Biblia Kuhusu Neema ya Kutosha
Mistari 9 ya Biblia kuhusu Neema ya Kutosha ya kusoma, kutafakari, na kuikariri.
Lakini yeye alinijibu, “Neema yangu inakutosha, kwa maana nguvu hufikia utimilifu wake katika udhaifu.” Kwa hiyo nitafurahi zaidi kujivunia udhaifu wangu, ili nguvu ya Kristo itande hema yake juu yangu.
Ndiyo sababu ninafurahi kuwa na udhaifu, matusi, maafa, madhulumu na hali za kubanwa, kwa ajili ya Kristo. Kwa maana ninapokuwa dhaifu, ndipo ninapokuwa na nguvu.
Ninazo nguvu za kukabili kila hali ndani ya yule anayenifanya kuwa na nguvu.
Mungu anaweza kuwapa kila neema kwa wingi, ili kwa kila namna na kila wakati mwe na yote mnayohitaji, na zaidi ya kutosha kwa kila kazi njema.
Ingawa mwili na moyo vinachakaa, Mungu ndiye mwamba ambao moyo wangu unategemea, na fungu langu milele.
Si kwamba tunafaa kwa ajili ya kazi hii kwa uwezo wetu wenyewe, kana kwamba tungeweza kuhesabu jambo lolote kuwa kazi yetu. Kufaa kwetu kunatoka kwa Mungu.
Basi tukaribie kiti cha enzi cha neema tukiwa na ujasiri, ili tupokee rehema na kupata neema inayotuletea msaada wakati ule ule tunapouhitaji.
Na Mungu wangu atawapa kila mnachohitaji, kulingana na utajiri wake mtukufu katika Kristo Yesu.
Kwa maana BWANA Mungu ni jua na ngao; BWANA hutoa neema na heshima; wale waendao bila lawama hawanyimi kitu chochote chema.