Mistari ya Biblia Kuhusu Habari Njema kwa Maskini
Mistari 9 ya Biblia kuhusu Habari Njema kwa Maskini ya kusoma, kutafakari, na kuikariri.
“Roho wa Bwana anakaa juu yangu, kwa kuwa amenipaka mafuta ili niwapelekee maskini habari njema. Amenituma kuwatangazia wafungwa kwamba wako huru, na vipofu kwamba wataona tena, kuwaweka huru wanaokandamizwa,
vipofu wanaweza kuona, viwete wanatembea, wenye ukoma wanafanywa safi, viziwi wanaweza kusikia, wafu wanafufuliwa wakawa hai, na maskini wanasikia habari njema.
Kisha aliwatazama wanafunzi wake, akasema, “Heri yenu ninyi maskini, kwa kuwa ufalme wa Mungu ni wenu.
Sikilizeni, ndugu zangu wapendwa. Je, Mungu hajawachagua wale walio maskini machoni pa ulimwengu ili wawe matajiri katika imani na kuurithi ufalme aliowaahidi wale wanaompenda?
Hapa palikuwa na mnyonge aliyelia; BWANA akasikia, akamwokoa katika kila taabu yake.
Kwa maana mhitaji hatasahauliwa siku zote, wala tumaini la maskini halitapotea milele.
Wenye njaa amewapa vitu vizuri tele, na matajiri amewafukuza bila chochote.
Humwinua maskini kutoka mavumbini na kumtoa mhitaji kutoka jaani,
Humwinua maskini kutoka mavumbini na kumpandisha mhitaji kutoka jaani, ili awakalishe pamoja na wakuu na kuwapa kiti cha heshima kiwe chao. Kwa maana nguzo za dunia ni mali ya BWANA; juu yake ameuweka ulimwengu.