Mistari ya Biblia Kuhusu Tayari Kutoa Jibu
Mistari 8 ya Biblia kuhusu Tayari Kutoa Jibu ya kusoma, kutafakari, na kuikariri.
Badala yake, katika mioyo yenu mkirini Kristo kuwa Bwana mtakatifu. Mwe tayari wakati wote kujitetea mbele ya yeyote anayewauliza sababu ya tumaini mlilo nalo.
Mazungumzo yenu yawe ya upole na ya kupendeza siku zote, yamekolezwa kwa chumvi, ili mjue jinsi ya kumjibu kila mtu.
Lihubiri neno. Uwe tayari wakati unaoonekana kufaa na wakati usiofaa. Rekebisha, kemea na himiza, kwa uvumilivu mwingi na mafundisho ya uangalifu.
Wapendwa, nilipokuwa nikifanya kila juhudi kuwaandikia kuhusu wokovu tunaoushiriki sote, niliona sina budi kuwaandikia na kuwasihi mpigane kwa bidii kwa ajili ya imani ambayo watu wa Mungu walio watakatifu walikabidhiwa mara moja kwa daima.
Basi kila mtu atakayesema waziwazi mbele ya watu kwamba yeye ni wangu, nami nitamtambua mbele ya Baba yangu aliye mbinguni.
Lakini jibuni kwa upole na kwa kumcha Mungu, mkiwa na dhamiri njema, ili watu wanapowasema vibaya, wale wanaobeza maisha yenu mema katika Kristo waone aibu.
Kama ilivyokuwa desturi yake, Paulo aliingia katika sinagogi, na kwa Sabato tatu akajadiliana nao kutoka katika Maandiko, akiyafafanua na kuonyesha wazi kwamba ilimpasa Kristo kuteswa na kufufuka kutoka kwa wafu. Akasema, “Yesu huyu ninayewatangazia ndiye Kristo.”
Ashike kwa uthabiti ujumbe wa kuaminika kama ulivyofundishwa, ili aweze kuwatia moyo wengine kwa mafundisho mazima na kuwarekebisha wale wanaoyapinga.