Mistari ya Biblia Kuhusu Mwili Mmoja, Viungo Vingi
Mistari 11 ya Biblia kuhusu Mwili Mmoja, Viungo Vingi ya kusoma, kutafakari, na kuikariri.
Mwili ni kitu kimoja kizima, lakini una sehemu nyingi; sehemu zake zote, ingawa ni nyingi, zinaunda mwili mmoja. Ndivyo ilivyo kwa Kristo.
Kwa kweli, sisi sote tulibatizwa katika Roho mmoja tukawa mwili mmoja, tukiwa Wayahudi au Wagiriki, watumwa au watu huru, na sote tulipewa Roho mmoja tumnywe.
Ninyi ni mwili wa Kristo, na kila mmoja wenu ni sehemu yake.
Mwili mmoja una viungo vingi, na si viungo vyote vyenye kazi ileile. Vivyo hivyo, ingawa tu wengi, sisi ni mwili mmoja katika Kristo, na kila mmoja wetu ni kiungo cha wengine wote.
Kutoka kwake mwili wote unaungwa na kushikiliwa pamoja na kila kano inayoupa msaada. Kila sehemu inapofanya kazi yake, mwili hukua na kujijenga wenyewe katika upendo.
Kwa kweli, mwili haukuundwa na sehemu moja tu. Una sehemu nyingi.
Lakini kama mambo yalivyo, Mungu amepanga kila sehemu katika mwili kama yeye alivyoona inafaa.
ili mwili usigawanyike, bali sehemu zake zote zijaliane kwa usawa.
Vivyo hivyo, ingawa tu wengi, sisi ni mwili mmoja katika Kristo, na kila mmoja wetu ni kiungo cha wengine wote.
Amani anayoitoa Kristo iwe mwamuzi katika mioyo yenu. Mliitwa kwenye amani hiyo kama viungo vya mwili mmoja. Tena muwe watu wa shukrani.
Basi sasa kwa kuwa mmeuvua uongo, kila mmoja wenu amwambie jirani yake kweli, kwa maana sisi kwa sisi ni viungo.