Mistari ya Biblia Kuhusu Mungu Kamili na Mwanadamu Kamili
Mistari 11 ya Biblia kuhusu Mungu Kamili na Mwanadamu Kamili ya kusoma, kutafakari, na kuikariri.
Kwa maana utimilifu wote wa nafsi ya Mungu unakaa ndani yake katika mwili,
Neno akawa mwili, akafanya makao yake kati yetu. Tumeuona utukufu wake, utukufu wa Mwana wa pekee aliyetoka kwa Baba, akiwa amejaa neema na kweli.
Ndiyo sababu ilikuwa lazima afanane na ndugu zake kwa kila namna, ili awe kuhani mkuu mwenye huruma na mwaminifu katika yote yanayomhusu Mungu, akifanya upatanisho kwa ajili ya dhambi za watu.
Kwa maana yuko Mungu mmoja, na mpatanishi mmoja kati ya Mungu na wanadamu, Kristo Yesu, ambaye yeye mwenyewe ni mwanadamu,
Kwa maana kuhani mkuu tuliye naye si mmoja asiyeweza kuguswa na udhaifu wetu; yeye amejaribiwa kwa kila namna, kama sisi tunavyojaribiwa, ila hakutenda dhambi.
Mwanzoni alikuwako Neno, na Neno alikuwa pamoja na Mungu, na Neno alikuwa Mungu.
Mababu wa taifa ni wao, na kutoka kwao, kwa ukoo wa kibinadamu, ametoka Kristo, aliye Mungu juu ya vyote, anayehimidiwa milele. Amina.
huku tukingojea tumaini la heri, yaani kuonekana kwa utukufu wa Mungu wetu mkuu na Mwokozi, Yesu Kristo.
Tomaso akamjibu, “Bwana wangu na Mungu wangu!”
Lakini kwa Mwana anasema, “Kiti chako cha enzi, Ee Mungu, kinadumu milele na milele, na fimbo ya ufalme wako ni fimbo ya unyoofu.
Yeye, ingawa alikuwa katika umbo la Mungu, hakuona kuwa sawa na Mungu kuwa jambo la kutumia kwa faida yake. Badala yake, alijifanya mwenyewe kuwa mtupu, akachukua umbo la mtumishi na kushiriki mfano wa wanadamu. Na alipoonekana kwa sura ya nje kama mwanadamu,