Mistari ya Biblia Kuhusu Shaka
Mistari 12 ya Biblia kuhusu Shaka ya kusoma, kutafakari, na kuikariri.
Lakini aombe kwa imani, bila kusitasita. Mtu anayesitasita ni kama wimbi la bahari kuu, linalosukumwa na upepo na kutupwa huku na huku.
Mara moja baba wa mtoto akapaza sauti, “Ninaamini! Nisaidie pale imani yangu inapopungua!”
Yesu alinyoosha mkono wake mara moja, akamshika. “Imani yako ni ndogo mno,” akamwambia. “Kwa nini ulisita?”
Sasa imani ni uhakikisho wa yale tunayoyatumaini, uthibitisho wa mambo halisi tusiyoyaona.
Kisha akamwambia Tomaso, “Weka kidole chako hapa; tazama mikono yangu. Lete mkono wako, uutie katika ubavu wangu. Acha kuwa mtu asiyeamini; uwe mtu anayeamini.”
Hakuwa na shaka juu ya ahadi ya Mungu, wala hakusitasita kwa kutoamini. Badala yake imani yake ilipata nguvu, akampa Mungu utukufu, akiwa na hakika kamili kwamba Mungu ana uwezo wa kutimiza kile alichoahidi.
Yesu akawajibu, “Kweli nawaambia, mkiwa na imani na msipokuwa na shaka, mtafanya zaidi ya lile lililofanyika kwa mtini huu. Hata mkiuambia mlima huu, ‘Uinuliwe na kutupwa baharini,’ itafanyika.
Wahurumieni wengine walio na mashaka.
Kweli nawaambia, mtu akiuambia mlima huu, ‘Ondoka, ukatupwe baharini,’ bila kusitasita moyoni mwake, bali akiamini kwamba anachokisema kinatokea, atafanyiwa hivyo.
Kwa hiyo imani huja kwa kusikia ujumbe, na ujumbe husikika kupitia neno kuhusu Kristo.
Yesu akamwambia, “Je, umeamini kwa sababu umeniona? Heri wale walioamini bila kuona.”
Wasiwasi unaponisonga, faraja yako hunijaza furaha.