Mistari ya Biblia Kuhusu Kristo Tumaini Letu

Mungu aliamua kuwajulisha jinsi siri hii ilivyo na utajiri mwingi na utukufu kati ya watu wa mataifa. Siri yenyewe ni hii: Kristo ndani yenu, tumaini la utukufu.

Ahimidiwe Mungu na Baba wa Bwana wetu Yesu Kristo! Kwa rehema yake kuu ametupa kuzaliwa upya. Kupitia kufufuka kwa Yesu Kristo kutoka kwa wafu ametuleta katika tumaini lenye uzima,

huku tukingojea tumaini la heri, yaani kuonekana kwa utukufu wa Mungu wetu mkuu na Mwokozi, Yesu Kristo.

Mungu wa tumaini awajaze furaha na amani ya kila namna mnapoamini, ili kwa uweza wa Roho Mtakatifu mjae tumaini hadi kufurika.

Kupitia yeye pia tumeletwa kwa imani katika neema hii, ambamo sasa tumesimama, nasi tunajivunia tumaini la kushiriki utukufu wa Mungu.

Tumaini hili ni letu kama nanga ya nafsi, nanga inayoshika salama na imara, nayo hufika katika sehemu ya ndani nyuma ya pazia. Huko Yesu aliingia akitutangulia na kwa ajili yetu, kama mtangulizi, akiwa amekuwa kuhani mkuu milele, wa utaratibu wa Melkizedeki.

Kumbukeni kwamba wakati ule mlikuwa bila Kristo. Mlikuwa mmetengwa na uraia wa Israeli, na mlikuwa wageni kuhusu maagano yaliyojengwa juu ya ahadi ya Mungu. Hamkuwa na tumaini, na mlikuwa bila Mungu ulimwenguni. Lakini sasa ninyi mliokuwa mbali zamani mko ndani ya Kristo Yesu, na damu ya Kristo imewaleta karibu.

Imani hiyo na upendo huo vinatokana na tumaini lililohifadhiwa kwa ajili yenu mbinguni, tumaini mlilolisikia kwanza katika ujumbe wa kweli, yaani Injili

Ilikuwa katika tumaini kwamba tuliokolewa. Lakini tumaini ambalo tayari linaonekana si tumaini hata kidogo. Ni nani anayeendelea kutumainia kitu kilicho mbele yake tayari?

Kupitia yeye mnamwamini Mungu, aliyemfufua kutoka kwa wafu na kumpa utukufu. Hivyo imani yenu na tumaini lenu vimeelekezwa kwa Mungu.