Mistari ya Biblia Kuhusu Tumaini la Baraka
Mistari 12 ya Biblia kuhusu Tumaini la Baraka ya kusoma, kutafakari, na kuikariri.
huku tukingojea tumaini la heri, yaani kuonekana kwa utukufu wa Mungu wetu mkuu na Mwokozi, Yesu Kristo.
Bwana mwenyewe atashuka kutoka mbinguni kwa sauti kuu ya amri, kwa mwito wa malaika mkuu na kwa sauti ya tarumbeta ya Mungu, na wafu walio wa Kristo watafufuka kwanza. Kisha sisi ambao bado tuko hai, tuliobaki, tutanyakuliwa pamoja nao hadi mawinguni ili tumlaki Bwana angani. Tangu hapo tutakuwa pamoja na Bwana siku zote.
Rafiki zangu wapendwa, sisi ni watoto wa Mungu sasa, na kile tutakachokuwa bado hakijadhihirishwa. Lakini tunajua hili: atakapodhihirishwa, tutakuwa kama yeye, kwa maana tutamwona jinsi yeye alivyo hasa. Kila aliye na tumaini hili kwake anajiweka safi, kama yeye alivyo safi.
Yule anayeshuhudia mambo haya yote anasema, “Ndiyo, ninakuja upesi!” Amina! Njoo, Bwana Yesu!
Wakasema, “Wanaume wa Galilaya, kwa nini mnasimama hapo mkiangalia juu angani? Yesu huyu aliyechukuliwa kutoka kwenu kwenda mbinguni atakuja kwa namna ileile mliyomwona akiondoka kwenda mbinguni.”
Rafiki zangu wapendwa, sisi ni watoto wa Mungu sasa, na kile tutakachokuwa bado hakijadhihirishwa. Lakini tunajua hili: atakapodhihirishwa, tutakuwa kama yeye, kwa maana tutamwona jinsi yeye alivyo hasa.
Lakini uraia wetu uko mbinguni, na kutoka huko tunamsubiri kwa shauku Mwokozi, Bwana Yesu Kristo, atakayeibadilisha miili yetu hii ya hali duni na kuipa umbo lilelile la mwili wake wenye utukufu, kwa nguvu inayofanya kazi ambayo kwayo anaweza kuvileta vitu vyote chini ya utawala wake.
Kristo ndiye uzima wenu. Atakapofunuliwa, ninyi pia mtafunuliwa pamoja na yeye katika utukufu.
Sasa ninangojewa na taji la haki, ambalo Bwana, hakimu mwenye haki, atanipa siku ile, wala si mimi tu, bali pia wote waliotamani kudhihirishwa kwake.
Kisha ishara ya Mwana wa Adamu itaonekana angani. Kila kabila duniani litaomboleza, nao watamwona Mwana wa Adamu akija juu ya mawingu ya angani, akiwa na nguvu na utukufu mkuu.
Sikilizeni, nawaambia siri. Hatutafariki sote, lakini sote tutabadilishwa, papo hapo, kufumba na kufumbua, tarumbeta ya mwisho itakapolia. Kwa maana tarumbeta italia, na wafu watafufuliwa wasiharibike tena, nasi tulio hai tutabadilishwa.
Tazama! Anakuja pamoja na mawingu. Kila jicho litamwona, hata wale waliomchoma, na makabila yote ya dunia yatajipiga vifua kwa huzuni kwa sababu yake. Ndiyo! Amina.