Mistari ya Biblia Kuhusu Ahadi za Mungu
Mistari 8 ya Biblia kuhusu Ahadi za Mungu ya kusoma, kutafakari, na kuikariri.
Ahadi za Mungu ziwe nyingi kiasi gani, ndani yake kila moja ni “Ndiyo.” Ndiyo sababu ni kupitia yeye pia tunamjibu Mungu “Amina,” na Mungu anapata utukufu kupitia sisi.
Kupitia hivyo ametupa ahadi zake, zenye thamani na kuu kuliko nyingine zote, ili kupitia ahadi hizo mpate kushiriki asili ya kimungu, kwa kuwa mmeuepuka uharibifu ambao tamaa imeuleta ulimwenguni.
Kati ya ahadi zote njema ambazo BWANA alikuwa ameiahidi nyumba ya Israeli, hakuna hata moja iliyoshindwa; kila moja ilitimia.
Tuushikilie ukiri wa tumaini letu bila kulegea hata kidogo, kwa kuwa yule aliyetoa ahadi hiyo ni mwaminifu.
Sasa niko karibu kwenda njia ya dunia yote. Mnajua kwa moyo wenu wote na kwa nafsi yenu yote kwamba hakuna hata neno moja lililopungua kati ya maneno yote mema ambayo BWANA Mungu wenu aliyasema kuwahusu. Kila moja limewatimilia; hakuna hata neno moja lililopungua.
“Na abarikiwe BWANA, aliyewapa watu wake Israeli raha, kama alivyoahidi. Katika ahadi zote njema alizozitoa kupitia mtumishi wake Musa, hakuna hata neno moja lililoshindwa.
akiwa na hakika kamili kwamba Mungu ana uwezo wa kutimiza kile alichoahidi.
Bwana hachelewi kutimiza ahadi, kama watu wengine wanavyoelewa kuchelewa. Badala yake, anawavumilia ninyi. Hataki mtu yeyote aangamizwe, bali anataka watu wote wageuke na kutubu.