Mistari ya Biblia Kuhusu Mfalme wa Milele
Mistari 9 ya Biblia kuhusu Mfalme wa Milele ya kusoma, kutafakari, na kuikariri.
Kwa Mfalme wa zama zote, Mungu pekee, asiyekufa na asiyeonekana, iwe heshima na utukufu milele na milele. Amina.
Kwa maana Mungu anatawala kama Mfalme wa dunia yote; imbeni sifa kwa zaburi ya ustadi.
Juu ya vazi lake na juu ya paja lake limeandikwa jina: MFALME WA WAFALME NA BWANA WA MABWANA.
Ufalme wako ni ufalme wa zama zote, na utawala wako unadumu katika kila kizazi.
BWANA ni Mfalme! Amevaa enzi kama joho; BWANA amejivika, akajifunga nguvu kama mshipi. Ulimwengu umesimama imara; hakuna kitakachoutikisa. Kiti chako cha enzi kimesimama imara tangu siku za kale; wewe umekuwako siku zote.
Enyi malango, inueni vichwa vyenu juu! Jiinueni, enyi milango ya tangu zamani, ili Mfalme wa utukufu aingie. Ni nani huyu Mfalme wa utukufu? Ni BWANA, mwenye uweza na nguvu, BWANA, shujaa mwenye nguvu vitani.
BWANA anatawala kama Mfalme nyakati zote; mataifa yametoweka katika nchi yake.
Mungu atalitimiza jambo hili kwa wakati uliofaa: yeye aliye Mwenye heri na Mtawala pekee, Mfalme wa wafalme na Bwana wa mabwana,
BWANA aliketi juu ya kiti chake cha enzi juu ya gharika; BWANA ameketi kama Mfalme siku zote.