Mistari ya Biblia Kuhusu Mwili
Mistari 15 ya Biblia kuhusu Mwili ya kusoma, kutafakari, na kuikariri.
Hiki ndicho ninachomaanisha: ishini mkiongozwa na Roho, nanyi hamtatenda kamwe yale ambayo asili ya dhambi inatamani.
Kwa maana asili ya dhambi inatamani mambo yaliyo kinyume na Roho, na Roho anatamani yaliyo kinyume na asili ya dhambi. Viwili hivi viko vitani, hivyo hamko huru kufanya lolote mnalotaka.
Mkiishi kama asili ya dhambi inavyoamuru, mnaelekea kifo. Lakini kwa Roho mkiendelea kuyaua matendo ya mwili, mtaishi.
Badala yake, jivikeni Bwana Yesu Kristo kama vazi, wala msifanye mipango ya kutimiza tamaa za asili ya dhambi.
Wale ambao ni wa Kristo wameigongomea msalabani asili ya dhambi, pamoja na mihemko yake na tamaa zake.
Watu walio chini ya utawala wa asili ya dhambi hawana uwezo wa kumpendeza Mungu.
Ninajua kwamba hakuna jema linalokaa ndani yangu, yaani, katika asili yangu ya dhambi. Kutaka jema kumo ndani ya uwezo wangu; kulitenda hakumo.
Matendo ya asili ya dhambi yanaonekana wazi: zinaa, unajisi, tabia isiyo na haya, kuabudu sanamu, uchawi, uhasama, magomvi, wivu, hasira kali za ghafla, kujitafutia makuu, mgawanyiko, makundi, kijicho, ulevi, sherehe za anasa, na mambo mengine kama hayo. Nawaambia sasa, kama nilivyowaambia kabla: watu wanaoishi hivyo hawataurithi ufalme wa Mungu.
Wale walio chini ya utawala wa asili ya dhambi huelekeza mawazo yao kwenye mambo ya asili ya dhambi, lakini wale walio chini ya utawala wa Roho, kwenye mambo ya Roho.
Wapendwa, mnaishi hapa kama wakaaji wa kigeni na wageni. Kwa hiyo nawasihi mjiepushe na tamaa za mwili, kwa maana zinapigana dhidi ya nafsi zenu.
Wanaopanda katika asili yao ya dhambi watavuna uozo kutoka kwayo; lakini wanaopanda katika Roho watavuna kutoka kwa Roho mavuno ya uzima wa milele.
Basi msiiache dhambi itawale kama mfalme katika mwili wenu ambao utakufa, ikiwafanya mzitii tamaa za mwili huo.
Kwa hiyo, ndugu, tunadaiwa, lakini si na asili ya dhambi, ili tuishi kama inavyotuamuru.
Si mimi tena ninayeishi; Kristo ndiye anayeishi ndani yangu. Maisha yoyote ninayoishi bado katika mwili, ni maisha ya imani katika Mwana wa Mungu, aliyenipenda na kujitoa mwenyewe kwa ajili yangu.
Mimi ni mtu mnyonge kama nini! Ni nani atakayeniweka huru kutoka katika mwili huu wa kifo? Mungu ashukuriwe kupitia Yesu Kristo Bwana wetu! Basi, mimi mwenyewe ninaitumikia sheria ya Mungu kwa akili yangu, lakini kwa asili yangu ya dhambi ninaitumikia sheria ya dhambi.