Mistari ya Biblia Kuhusu Tamaa Mbaya

Kwa maana kila kitu kilichomo ulimwenguni—tamaa za asili ya kibinadamu, uchu wa macho, na kiburi juu ya mali alizo nazo mtu—hakitokani na Baba, bali kinatokana na ulimwengu.

Kaeni mbali na uasherati! Dhambi nyingine yoyote ambayo mtu anatenda inabaki nje ya mwili, lakini mwasherati anatenda dhambi dhidi ya mwili wake mwenyewe.

Hiki ndicho ninachomaanisha: ishini mkiongozwa na Roho, nanyi hamtatenda kamwe yale ambayo asili ya dhambi inatamani.

Haya ndiyo mapenzi ya Mungu kwenu: kwamba mwe watakatifu. Jiepusheni na uasherati. Kila mmoja wenu ajue kuutawala mwili wake mwenyewe kwa utakatifu na heshima, si kwa tamaa za shauku kama watu wa mataifa, wasiomjua Mungu.

Zikimbie tamaa za ujana, na ufuatilie haki, imani, upendo na amani, pamoja na wale wanaomwita Bwana kwa moyo safi.

Badala yake, jivikeni Bwana Yesu Kristo kama vazi, wala msifanye mipango ya kutimiza tamaa za asili ya dhambi.

Basi, ueni chochote ndani yenu kilicho cha dunia: uasherati, uchafu, ashiki, tamaa ovu, na tamaa ya mali, ambayo ni ibada ya sanamu.

Moyo wako usiutamani uzuri wake, wala usimwache akunase kwa macho yake,

Kwa maana neema ya Mungu imeonekana, ikileta wokovu kwa watu wote. Inatufundisha kukataa maisha yasiyomcha Mungu na tamaa za ulimwengu, na kuishi maisha ya kiasi, ya haki na ya kumcha Mungu katika nyakati hizi za sasa,

Wapendwa, mnaishi hapa kama wakaaji wa kigeni na wageni. Kwa hiyo nawasihi mjiepushe na tamaa za mwili, kwa maana zinapigana dhidi ya nafsi zenu.

Basi msiiache dhambi itawale kama mfalme katika mwili wenu ambao utakufa, ikiwafanya mzitii tamaa za mwili huo.

Au hamjui kwamba mwili wenu ni hekalu ambamo Roho Mtakatifu anaishi, Roho aliye ndani yenu, ambaye Mungu amewapa? Ninyi si wenu wenyewe. Mlinunuliwa, na gharama ililipwa kwa ajili yenu. Kwa hiyo mleteeni Mungu utukufu katika mwili wenu.