Mistari ya Biblia Kuhusu Kiburi
Mistari 12 ya Biblia kuhusu Kiburi ya kusoma, kutafakari, na kuikariri.
Kwanza huja kiburi, kisha anguko; kwanza roho ya majivuno, kisha kuanguka.
Kiburi kinapofika, fedheha hufuata nyuma yake, bali wanyenyekevu wana hekima.
Lakini neema anayoitoa ni kubwa zaidi. Ndiyo maana inasema, “Mungu anasimama dhidi ya wenye kiburi, lakini wanyenyekevu anawapa neema.”
BWANA huwachukia wote wenye mioyo ya kiburi; uwe na hakika, hawataepuka adhabu.
Hali kadhalika, ninyi mlio vijana, wanyenyekeeni wazee. Na ninyi nyote, mnapohusiana ninyi kwa ninyi, jifungieni unyenyekevu kama vazi, kwa sababu “Mungu anasimama dhidi ya wenye kiburi, lakini wanyenyekevu anawapa neema.”
Kumcha BWANA ni kuchukia uovu. Kiburi, majivuno, mwenendo mbaya na maneno ya upotovu ndivyo ninavyovichukia.
Moyo wa kiburi hutangulia anguko, na unyenyekevu hutangulia heshima.
Kiburi humwangusha mtu chini, lakini wanyenyekevu wa roho hupata heshima.
Kwa maana kila anayejiweka juu atashushwa chini, naye anayechukua nafasi ya chini atainuliwa juu.”
Watu wanaodhani kuwa wao ni kitu fulani, ilhali si kitu, wanajidanganya tu.
Kwa neema niliyopewa, ninamwambia kila mmoja wenu: usijione kuwa bora kuliko unavyopaswa. Badala yake, fikiri kwa kiasi na kwa busara, kulingana na kipimo cha imani ambacho Mungu amempa kila mmoja.
Wenye dharau huwajibu kwa dharau, bali wanyenyekevu huwapa neema.