Mistari ya Biblia Kuhusu Ibada ya Sanamu
Mistari 11 ya Biblia kuhusu Ibada ya Sanamu ya kusoma, kutafakari, na kuikariri.
Wanangu wapendwa, jihadharini na sanamu.
Hutakuwa na mungu mwingine yeyote kando yangu. Hutajitengenezea sanamu iliyochongwa, wala sura ya kitu chochote kilichoko mbinguni juu, katika ardhi chini, au ndani ya maji yaliyo chini ya ardhi.
Basi, rafiki zangu wapendwa, ikimbieni ibada ya sanamu.
Basi, ueni chochote ndani yenu kilicho cha dunia: uasherati, uchafu, ashiki, tamaa ovu, na tamaa ya mali, ambayo ni ibada ya sanamu.
Hakuna mtu anayeweza kuwatumikia mabwana wawili. Atamchukia mmoja na kumpenda mwingine, au atakuwa mwaminifu kwa mmoja na kumdharau mwingine. Hamwezi kumtumikia Mungu na fedha pia.
Hutaviinamia wala kuvitumikia. Kwa maana ndimi BWANA Mungu wako, Mungu mwenye wivu. Ninaleta hatia ya baba juu ya watoto wao, juu ya vizazi vya tatu na vya nne vya wale wanaonichukia,
Sanamu zao zimetengenezwa kwa fedha na dhahabu, zimefanyizwa kwa mikono ya wanadamu. Zina kinywa, lakini hazitamki neno; zina macho, lakini haziwezi kuona kitu. Zina masikio, lakini hazisikii kitu; zina pua, lakini hazinusi harufu yoyote. Zina mikono, lakini hazihisi kitu; miguu, lakini hazitembei kamwe; hakuna sauti inayotoka kooni mwao. Watu wanaozitengeneza wataishia kuwa kama hizo, na vivyo hivyo kila anayezitegemea.
Walibadilisha kweli kuhusu Mungu kwa ule uongo. Waliinamia viumbe na kuvitumikia badala ya yule aliyeviumba. Yeye ndiye wa kuhimidiwa milele. Amina.
Au hamjui kwamba watu wanaotenda maovu hawatapokea ufalme wa Mungu kama urithi wao? Msijidanganye: waasherati, waabudu sanamu, wazinzi, wanaume wanaokubali kutendwa kingono na wanaume, wanaume wanaolala na wanaume, wezi, wenye tamaa ya mali, walevi, watukanaji na walaghai: hakuna hata mmoja wa hao atakayeupokea ufalme wa Mungu kama urithi wake.
Msiifuate miungu mingine, yoyote kati ya miungu ya watu wanaowazunguka.
Matendo ya asili ya dhambi yanaonekana wazi: zinaa, unajisi, tabia isiyo na haya, kuabudu sanamu, uchawi, uhasama, magomvi, wivu, hasira kali za ghafla, kujitafutia makuu, mgawanyiko, makundi, kijicho, ulevi, sherehe za anasa, na mambo mengine kama hayo. Nawaambia sasa, kama nilivyowaambia kabla: watu wanaoishi hivyo hawataurithi ufalme wa Mungu.