Mistari ya Biblia Kuhusu Nichunguze, Ee Mungu

Uone kama kuna njia iletayo machukizo ndani yangu, uniongoze katika njia ya milele.

Ni nani awezaye kutambua makosa yake? Nisamehe makosa yangu nisiyoyajua.

Ee Mungu, uniumbie moyo safi, uifanye upya roho ya uthabiti ndani yangu.

Ee Bwana, unijaribu, unipime, uuchunguze moyo wangu na mawazo yangu;

Ee Mungu mwenye haki, uchunguzaye mawazo na mioyo, komesha ghasia za waovu na ufanye wenye haki waishi kwa amani.

Ingawa unauchunguza moyo wangu na kunikagua usiku, ingawa umenijaribu, hutaona chochote. Nimeamua kwamba kinywa changu hakitatenda dhambi.

“Mimi Bwana huchunguza moyo na kuzijaribu nia, ili kumlipa mtu kwa kadiri ya mwenendo wake, kwa kadiri ya matendo yake yanavyostahili.”

“Nawe Solomoni mwanangu, mjue Mungu wa baba yako, ukamtumikie kwa kujitoa kwa moyo wote na kwa nia ya kumkubali, kwa maana Bwana huuchunguza kila moyo na kujua kila kusudi la kila fikira. Ukimtafuta, ataonekana kwako; bali kama ukimwacha, yeye atakukataa milele.

je, Mungu hangaligundua hili, kwa kuwa anazijua siri za moyo?

Kwa maana Neno la Mungu li hai tena lina nguvu. Lina makali kuliko upanga wowote wenye makali kuwili, hivyo linachoma hata kuzigawanya nafsi na roho, viungo na mafuta yaliyo ndani yake; tena li jepesi kuyatambua mawazo na makusudi ya moyo.