Mistari ya Biblia Kuhusu Kupatanishwa na Mungu
Mistari 11 ya Biblia kuhusu Kupatanishwa na Mungu ya kusoma, kutafakari, na kuikariri.
Tulikuwa maadui wa Mungu wakati kifo cha Mwana wake kilipotupatanisha naye. Sasa kwa kuwa tumepatanishwa, ni hakika zaidi kwamba tutaokolewa kwa uzima wa Mwana.
Na haya yote ni kazi ya Mungu. Kupitia Kristo ametupatanisha naye mwenyewe, naye ametupa huduma ya upatanisho.
Kwa maana ni Mungu aliyekuwa akitenda kazi katika Kristo, akiupatanisha ulimwengu naye mwenyewe. Hakuwahesabia watu makosa yao, naye ametukabidhi neno la upatanisho.
na kupitia yeye kuvipatanisha vitu vyote na yeye mwenyewe, akileta amani kwa damu ya msalaba wake: vitu vyote kupitia yeye, vya duniani na vya mbinguni pia.
Zaidi ya hayo, tunajivunia Mungu kupitia Bwana wetu Yesu Kristo. Kupitia yeye upatanisho huu sasa ni wetu.
Kwa hiyo sisi ni mabalozi tunaozungumza kwa niaba ya Kristo, na ni Mungu mwenyewe anayetoa wito wake kupitia sisi. Tukizungumza kwa niaba ya Kristo, tunawasihi: mpatanishwe na Mungu.
Lakini sasa ninyi mliokuwa mbali zamani mko ndani ya Kristo Yesu, na damu ya Kristo imewaleta karibu.
na ili kupitia msalaba awapatanishe na Mungu wote wawili, wakiwa mwili mmoja; kwa msalaba huo aliufisha uadui.
Zamani mlikuwa mbali na Mungu, mkiwa maadui wake katika fikira zenu, kama matendo yenu maovu yalivyoonyesha. Lakini sasa mmepatanishwa kwa kifo cha Kristo katika mwili wake wa nyama na damu, ili Mungu awasimamishe mbele yake mkiwa watakatifu, bila dosari, na bila shtaka lolote,
Basi, kwa kuwa sasa tumehesabiwa haki kwa imani, tuna amani na Mungu kupitia Bwana wetu Yesu Kristo.
Kwa maana Kristo pia aliteseka kwa ajili ya dhambi mara moja tu kwa wakati wote, mwenye haki kwa ajili ya wasio na haki, ili awafikishe ninyi kwa Mungu. Aliuawa katika mwili, lakini akahuishwa katika roho.